🕒 1 min read
ऑस्ट्रेलिया : ऑस्ट्रेलिया दौऱ्यातील कसोटी मालिकेदरम्यान भारतीय संघाला दुखापतीची चिंता सतावत आहे. भारताने अनेक फलंदाज या मालिकेदरम्यान दुखापतग्रस्त झाले आहेत. आता नुकतेच सिडनी क्रिकेट ग्राऊंडवर सुरु असलेल्या ऑस्ट्रेलिया विरुद्ध भारत संघातील तिसऱ्या कसोटीदरम्यान रिषभ पंत आणि रविंद्र जडेजा हे दोन खेळाडू दुखापतग्रस्त झाले आहेत.
पंत आणि जडेजाला भारताच्या पहिल्या डावात शनिवारी (९ जानेवारी) फलंदाजी करताना दुखापत झाली. पंतच्या डाव्या हाताच्या कोपराला पॅट कमिन्सचा चेंडू लागला त्यामुळे त्याला शनिवारी दुसऱ्या सत्रानंतर हॉस्पिटलमध्ये स्कॅनसाठी नेण्यात आले आहे. त्याच्याऐवजी वृद्धिमान साहा यष्टीरक्षणासाठी मैदानात आला आहे. जडेजाच्या ऐवजी मयंक अगरवाल क्षेत्ररक्षणासाठी उतरला आहे.
दरम्यान, ऑस्ट्रेलिया विरुद्ध भारत संघात गुरुवारपासून ४ सामन्यांच्या कसोटी मालिकेतील तिसरा सामना सिडनी क्रिकेट ग्राऊंडवर सुरु झाला आहे. या सामन्याचा शनिवारी तिसरा दिवस असून भारताचा पहिला डाव १००.४ षटकात २४४ धावांवर संपुष्टात आला आहे. त्यामुळे भारतीय संघ ९४ धावांनी पिछाडीवर पडला आहे.
महत्वाच्या बातम्या
- मोदी- ट्रम्प दोस्तीचे दुष्परिणाम आता भारताला भोगावे लागणार : कॉंग्रेस
- आणीबाणीतील बंद्यांना सहा महिन्यांचे थकीत पेन्शन आदा करा;न्यायालयाचा आदेश
- मराठा आरक्षणातील संवैधानिक बाबींवर केंद्राने सकारात्मक बाजू मांडावी;अशोक चव्हाण यांची मागणी
- नगरची व्हीआरडीई चेन्नईला हलविण्याच्या हालचाली, निलेश लंकेंनी घेतली पवारांची भेट
- मालकाने नाकारली १० लाखांची ऑफर; बकरा २० लाखाला विकला जाणार मालकाला विश्वास
