मुंबई : महाराष्ट्रासह देशभरात कोरोनाच्या दुसऱ्या लाटेने कहर माजवला आहे. देशात दररोज विक्रमी कोरोनाबाधितांची नोंद होत असून अयोग्य सेवेवर प्रचंड तणाव निर्माण झाला आहे. राज्यात देखील कोरोनाच्या दुसऱ्या लाटेचे इतर राज्यांपेक्षा अधिक गंभीर परिणाम दिसून आले असून अनेक नागरिकांना आपला जीव गमवावा लागला आहे.
महाराष्ट्रात अशी भीषण परिस्थिती असतानाच आता राज्यावर म्युकरमायकोसीस या नव्या आजाराने हात पसरायला सुरुवात केली आहे. म्यूकरमायकोसिस हा आजार अनेक रुग्णांना होत असल्याचे समोर आले आहे. या रुग्णांना एम्फोटेरीसीन बी चे तब्बल चाळीस ते पन्नास इंजेक्शन द्यावे लागत आहेत. एम्फोटेरेसीन बी इंजेक्शन हे प्रामुख्याने म्युकरमायकोसीसचा संसर्ग कमी करण्यासाठी वापरलं जातं, पण सध्या राज्यभरात हे इंजेक्शन कुठेच मिळत नाही, अशी तक्रार केली जात आहे. याचाच अर्थ महाराष्ट्रमध्ये या इंजेक्शनचा तीव्र जाणवत आहे.
या इंजेक्शनवर सध्या केंद्र सरकारचं नियंत्रण असल्यानं त्यांनी लवकरात लवकर महाराष्ट्रासाठी ते उपलब्ध करुन द्यावं, अशी मागणी आरोग्य मंत्री राजेश टोपे यांनी केली आहे. यावेळी ते म्हणाले कि, ‘रुग्णाच्या आजाराच्या तीव्रतेनुसार दररोज सहा याप्रमाणं एकूण ६० ते १०० इंजेक्शन्स रुग्णाला दिली जातात. राज्यानं सध्या १ लाख ९० हजार अॅम्फोटेरेसिन बी इंजेक्शनची ऑर्डर दिली आहे. पण ज्या फार्मा कंपन्या हे इंजेक्शन बनवतात ते सध्या याचा पुरवठा करत नाहीएत. कारण याच्या पुरवठ्यावर पूर्णपणे केंद्र सरकारचं नियंत्रण आहे. त्यामुळे राज्यात या आजाराच्या रुग्णांची संख्या अधिक असल्यानं केंद्रानं लवकरात लवकर राज्याला उपलब्ध करुन देण्याची परवानगी द्यावी.’ अशी मागणी आरोग्यमंत्री टोपे यांनी केली आहे.
महत्वाच्या बातम्या
- ‘ठाकरे सरकार डॉक्टरांच्या सुरक्षेबाबत गंभीर नाही’, हायकोर्टाने सुनावले खडेबोल
- ‘हक्क मागतोय, भीक नाही ! सरकारच्या मानेवर बसून आरक्षण मिळवण्यासाठी सज्ज व्हा…’
- ‘मी मराठी शिकावं यासाठी माझे पती धनंजय मुंडे माझ्याकडे नेहमी आग्रह धरायचे’
- मुख्यमंत्री उद्धव ठाकरे जाणार कोकण दौऱ्यावर; चक्रीवादळामुळे झालेल्या नुकसानीची पाहणी करणार !
- …म्हणून मुंबई महापालिकेवर सदोष वृक्षवधाचा गुन्हा दाखल करणार ; भाजप आक्रमक
बातम्यांसाठी YouTube चॅनेल Subscribe करा
Subscribe Now
