शिखर धवनच्या नेतृत्वाखाली श्रीलंकेविरुद्ध पहिल्या सामन्यात भारताचा ७ गडी राखुन विजय

🕒 1 min read

मुंबई : श्रीलंका दौऱ्यातील पहिल्या एकदिवसीय सामन्यात भारतीय संघाने विजय मिळवला आहे. श्रीलंकेने दिलेल्या २६३ धावांचे लक्ष्य भारतीय संघाने ३ गडी गमावत सहज पार केले. वेगवान खेळीसाठी सलामीवीर पृथ्वी शॉला सामनाविराच्या पुरस्काराने सन्मानीत करण्यात आले.

पहिल्या एकदिवसीय सामन्यात श्रीलंकेने नाणेफेक जिंकत प्रथम फलंदाजी करण्याचा निर्णय घेतला. निर्धारीत ५० षटकात श्रीलंकेने ९ गडी गमावत २६२ धावांची मजल मारली. श्रीलंकेकडून चमीका करुणारत्नेने ३५ चेंडुत १ चौकार आणि २ षटकारासह सर्वाधीक ४३ धावांची नाबाद खेळी केली. तर भारताकडून दिपक चहर, कुलदीप यादव आणि युजवेद्रं चहलने प्रत्येकी २-२ गडी बाद केले.

India go 1-0 up ????

Skipper Shikhar Dhawan scores an unbeaten 86 as the visitors win with 80 deliveries remaining. #SLvIND | https://t.co/trHbMrCpo8 pic.twitter.com/3rNnhBzMwt

— ICC (@ICC) July 18, 2021

प्रत्युत्तरात भारतीय संघाने ३७व्या षटकात ३ गडी गमावत हे अव्हान सहज पार केले. यासह तीन एकदिवसीय सामन्याच्या मालिकेत भारताला १-० अशी आघाडी मिळाली. भारताकडून कर्णधार शिखर धवनने ९५ चेंडुत ६ चौकार आणि १ षटकारांसह ८६ धावांची नाबाद अर्धशतकी खेळी केली. श्रीलंकेकडून धनंजया डीसिल्वाने सर्वाधीक २ गडी बाद केले. २४ चेंडुत ९ चौकारासह ४३ धावांची खेळी करणाऱ्या पृथ्वी शॉला सामनाविराच्या पुरस्काराने सन्मानीत करण्यात आले.

महत्त्वाच्या बातम्या

• ‘केवळ नोटीस लावून प्रश्न सुटतो का? त्यांना पर्यायी घरे कोण देणार?’ ; दरेकरांचा सवाल
• पुणे शहरात आज नव्याने ३६४ कोरोनाबाधित रुग्णांची नोंद
• मुंबई दुर्घटनेला कारणीभूत असलेल्या दोषींविरुध्द कठोर कारवाई करा ; दरेकरांची मागणी
• भाजपाला शह देण्यासाठी मायावती सक्रिय, ‘बसपा’ अयोध्येत ब्राह्मण संमेलन भरवणार
• ‘उद्धव ठाकरे यांना पंतप्रधान करा!’ काँग्रेस नेते पृथ्वीराज चव्हाण यांचे धक्कादायक वक्तव्य