IND vs WI 4th T20 : चौथ्या T20 सामन्यात ‘या’ खेळाडूचा पत्ता कट, ‘या’ स्टार खेळाडूला मिळेल संधी?

नवी दिल्ली : भारत आणि वेस्ट इंडिज क्रिकेट संघादरम्यान सुरू असलेल्या पाच सामन्यांच्या T20 मालिकेतील चौथा सामना आज (6, ऑगस्ट) लॉडरहिल, फ्लोरिडा येथील सेंट्रल ब्रॉवर्ड रिजनल पार्क स्टेडियम टर्फ मैदानावर खेळवला जाईल. या सामन्यात दोन्ही संघांचे कर्णधार नाणेफेकसाठी संध्याकाळी 7.30 वाजता मैदानात उतरतील. त्याच वेळी, सामन्याचा खरा थरार अर्ध्या तासानंतर म्हणजे आठ वाजल्यापासून सुरू होईल.

टीम इंडिया मैदानात उतरेल तेव्हा विरोधी संघावर मात करून दुसरी मालिका जिंकेल असा त्यांचा निर्धार असेल. त्याचबरोबर यजमान संघाला या सामन्यात मालिकेत 2-2 अशी बरोबरी साधायची आहे. अशा परिस्थितीत भारतीय संघ कोणत्या मजबूत प्लेइंग इलेव्हनसह मालिका जिंकण्यासाठी मैदानात उतरू शकतो, हे पाहूया…

रोहित नाही खेळला तर…

तिसऱ्या टी-२० सामन्यात पाठदुखीमुळे दुखापतग्रस्त रोहित शर्मा रीटायर्ट हर्ट झाला. मात्र, आता तो पूर्णपणे तंदुरुस्त आहे. मात्र चौथ्या सामन्यात खेळण्यासाठी तो मैदानात उतरू शकला नाही, तर त्याच्या जागी सूर्यकुमार यादवसोबत युवा फलंदाज इशान किशन डावाची सुरुवात करताना दिसू शकतो. अलीकडच्या काळात किशनची कामगिरी उत्कृष्ट आहे. याशिवाय सूर्यकुमार यादवने गेल्या सामन्यात स्फोटक अर्धशतक झळकावताना फॉर्ममध्ये येण्याचे संकेत दिले आहेत.

मधल्या फळीची कमान श्रेयस अय्यर, ऋषभ पंत आणि हार्दिक पंड्या यांच्या खांद्यावर असेल. हे तिन्ही खेळाडू सध्याच्या मालिकेत कामगिरी करण्यात अपयशी ठरले आहेत. मात्र, हे तिन्ही खेळाडू मॅचविनिंग खेळाडू आहेत. अशा स्थितीत मालिका जिंकण्यासाठी संघ व्यवस्थापन या खेळाडूंवर विश्वास ठेवू शकते. त्याचबरोबर सामना संपवण्याची जबाबदारी प्रत्येक वेळी प्रमाणे दिनेश कार्तिक आणि रवींद्र जडेजा यांच्या खांद्यावर असेल.

या गोलंदाजांना मिळू शकते संधी –

मालिका जिंकण्यासाठी संघ व्यवस्थापन भुवनेश्वर कुमार, हर्षल पटेल आणि अर्शदीप सिंग या वेगवान त्रिकुटावर अवलंबून राहू शकते. गेल्या काही सामन्यांमध्ये आवेश खानचा आत्मविश्वास डळमळीत झाला आहे. तिसऱ्या टी-२० सामन्यात तो संघासाठी चांगलाच महागात पडला. अशा स्थितीत चौथ्या टी-२० सामन्यातून त्याचे कार्ड कापले जाणे जवळपास निश्चित मानले जात आहे. त्याचबरोबर चौथ्या टी20 सामन्यात संघ व्यवस्थापन पुन्हा एकदा अनुभवी फिरकी गोलंदाज आर अश्विनवर अवलंबून राहू शकते. अश्विनने सध्याच्या मालिकेत आपले काम चोख बजावले आहे.

चौथ्या T20 सामन्यात, भारतीय प्लेइंग इलेव्हन –

1. रोहित शर्मा/इशान किशन 2. सूर्यकुमार यादव 3. श्रेयस अय्यर 4. ऋषभ पंत (विकेटकीपर) 5. हार्दिक पंड्या 6. दिनेश कार्तिक 7. रवींद्र जडेजा 8. भुवनेश्वर कुमार 9. हर्षल पटेल 10. अर्शदीप सिंग 11. आर. अश्विन

महत्वाच्या बातम्या : 

• Rape case in Beed । धक्कादायक घटना; हनुमान गडाचे मठाधिपती बुवासाहेब खाडे महाराज यांच्याविरोधात बलात्काराचा गुन्हा दाखल
• Ajit Pawar । लवकर करू… लवकर करू, हे सांगायचं बंद करा; मंत्रिमंडळ विस्तारावरून अजित पवार संतापले
• Aslam Sheikh | काँग्रेसचे माजी मंत्री अस्लम शेख यांच्या अडचणीत वाढ, मढ मार्वे स्टुडिओ घोटाळाप्रकरणी नोटीस
• Raosaheb Danve | “आधी स्वतःच्या मुलाचं नाव ‘औरंगजेब’ ठेवा, मग…”; रावसाहेब दानवेंचा जलील यांना टोला
• Patra Chawl scam | ED संजय राऊत आणि त्यांच्या पत्नीची समोरासमोर चौकशी करण्याची शक्यता