मुंबई : कसोटी मालिकेच्या पार्श्वभूमीवर भारत अ आणि ऑस्ट्रेलिया अ या दोन संघात 3 दिवसीय सराव सामन्याला आज (6 डिसेंबर) सुरुवात झाली. या सामन्यात भारत अ संघाने नाणेफेक जिंकून प्रथम फलंदाजीचा निर्णय घेतला.
फलंदाजीसाठी मैदानात आलेल्या भारतीय संघाची सुरुवात खराब झाली. सलामीवीर पृथ्वी शॉ याला भोपळाही फोडला आता नाही. त्याचबरोबर त्याचा सहकारी सलामीवीर शुभमन गिलही खाते उघडण्यात अपयशी ठरला. 2.2 षटकानंतर भारताची धावसंख्या 2 बाद 6 धावा अशी झाली होती.
तिसऱ्या क्रमांकावर अनुभवी फलंदाज चेतेश्वर पुजारा फलंदाजीसाठी मैदानात आला. त्याने खेळपट्टीवर वेळ घेतला आणि हळू- हळू डाव पुढे नेला. दुसऱ्या टोकाला असलेला फलंदाज हनुमा विहारी यानेही त्याच्या खेळीची संयमी सुरुवात केली, मात्र त्यालाही अधिक काळ खेळपट्टीवर टिकता आले नाही. त्याला वेगवान गोलंदाज जॅकसन बर्डने 15 धावांवर पायचीत केले.
टी20 मालिकेनंतर भारत आणि ऑस्ट्रेलिया यांच्यात चार सामन्यांची कसोटी मालिका खेळली जाईल. 17 ते 21 डिसेंबर या कालावधीत पहिला कसोटी सामना खेळला जाईल.
महत्वाच्या बातम्या
- आता डिसले गुरुजीं आमदार होणार? दरेकर करणार शिफारस
- मराठा आरक्षण : सर्वोच्च न्यायालयातील सुनावणीसाठी आता पाच वकिलांची समन्वय समिती
- ‘स्वातंत्र्याची व्याख्या आज सोयीनुसार बदलली जाते’, राऊतांचा भाजपवर घणाघात
- जेष्ठ कलावंत रवी पटवर्धन यांचं निधन
- भारताचा अष्टपैलू खेळाडू रविंद्र जडेजा याचा 32 वा वाढदिवस
