IND vs WI : मोठी बातमी..! वनडे मालिकेसाठी टीम इंडियाची घोषणा; रोहित, पंत नव्हे ‘हा’ खेळाडू असणार कर्णधार!

मुंबई : भारतीय क्रिकेट नियामक मंडळाने (बीसीसीआय) वेस्ट इंडिज दौऱ्यावर होणाऱ्या एकदिवसीय मालिकेसाठी (IND vs WI) टीम इंडियाची घोषणा केली आहे. शिखर धवनला वनडे मालिकेसाठी कर्णधार बनवण्यात आले आहे. त्याचबरोबर वरिष्ठ खेळाडूंना विश्रांती देण्यात आली आहे. भारतीय संघ २२ जुलै ते ७ ऑगस्ट या कालावधीत वेस्ट इंडिज दौऱ्यावर असेल. यादरम्यान संघ तीन वनडे आणि पाच टी-२० सामने खेळणार आहे. धवनशिवाय टीम इंडियाला नवा उपकर्णधारही मिळाला आहे. एकदिवसीय मालिकेसाठी रवींद्र जडेजा टीम इंडियाचा उपकर्णधार असेल. मात्र, टी-२० मालिकेसाठीचा संघ अद्याप जाहीर करण्यात आलेला नाही.

एकदिवसीय मालिकेसाठी भारतीय संघ

शिखर धवन (कर्णधार), रवींद्र जडेजा (उपकर्णधार), ऋतुराज गायकवाड, शुभमन गिल, दीपक हुडा, सूर्यकुमार यादव, श्रेयस अय्यर, इशान किशन (विकेटकीपर), संजू सॅमसन (विकेटकीपर), शार्दुल ठाकूर, युझवेंद्र चहल, अक्षर पटेल, आवेश खान, प्रसिद्ध कृष्णा, मोहम्मद सिराज, अर्शदीप सिंग.

#TeamIndia ODI squad:
Shikhar Dhawan (C), Ravindra Jadeja (VC), Ruturaj Gaikwad, Shubman Gill, Deepak Hooda, Suryakumar Yadav, Shreyas Iyer, Ishan Kishan (WK), Sanju Samson (WK), Shardul Thakur, Yuzvendra Chahal, Axar Patel, Avesh Khan, Prasidh Krishna, Mohd Siraj, Arshdeep Singh

— BCCI (@BCCI) July 6, 2022

वेस्ट इंडिज विरुद्ध भारत एकदिवसीय मालिकेचे वेळापत्रक

• पहिली वनडे: क्वीन्स पार्क ओव्हल, २२ जुलै
• दुसरी वनडे: क्वीन्स पार्क ओव्हल, २४ जुलै
• तिसरी वनडे: क्वीन्स पार्क ओव्हल, २७ जुलै

वेस्ट इंडिज विरुद्ध भारत टी-२० मालिका वेळापत्रक

• पहिली T20I: त्रिनिदाद, २९ जुलै
• दुसरी T20: सेंट किट्स, १ ऑगस्ट
• तिसरी T20: सेंट किट्स, २ ऑगस्ट
• चौथी T20: लॉडरहिल, फ्लोरिडा, ६ ऑगस्ट
• पाचवी T20: लॉडरहिल, फ्लोरिडा, ७ ऑगस्ट

या वर्षी भारतीय संघाचे कर्णधारपद भूषवणारा शिखर धवन हा सातवा खेळाडू ठरणार आहे. वर्षाच्या सुरुवातीला भारताचे कर्णधार विराट कोहली आणि केएल राहुल होते. यानंतर रोहित शर्माने संघाची कमान सांभाळली. ऋषभ पंतने दक्षिण आफ्रिकेविरुद्ध कर्णधारपद भूषवले तर हार्दिक पांड्या आयर्लंडविरुद्ध कर्णधार झाला. जसप्रीतने इंग्लंडविरुद्धच्या कसोटी सामन्यात टीम इंडियाचे नेतृत्व केले आणि आता वेस्ट इंडिजमध्ये धवन भारताचा कर्णधार असेल. प्रशिक्षक राहुल द्रविड सहा महिन्यांत सहाव्या कर्णधारासोबत काम करेल.