‘त्या’ प्रकरणी मोदी सरकारविरोधात विधानसभेत निंदा प्रस्ताव आणणार; नाना पटोलेंचा इशारा

🕒 1 min read

मुंबई: दोन दिवसांपूर्वी राज्यपाल भगतसिंह कोश्यारी यांनी छत्रपती शिवाजी महाराज यांच्याबद्दल एक वादग्रस्त वक्तव्य केले होते. ज्याच्या राजकीय वर्तुळात अनेक संतापजनक प्रतिक्रिया उमटल्या. त्यापूर्वीही भाजप नेत्यांकडून असे वादग्रस्त आणि आक्षेपार्ह वक्तव्य करण्यात आली. आता यावर कॉंग्रेसने आक्रमक भूमिकाम घेतली असून, उद्यापासून (३ मार्च) सुरू होणाऱ्या विधिमंडळच्या अधिवेशनात महाराष्ट्र विधानसभेत निंदा प्रस्ताव आणणार असल्याचे काँग्रेस प्रदेशाध्यक्ष नाना पटोले (Congress State President Nana Patole) यांनी म्हटले आहे.

“छत्रपती शिवाजी महाराज आणि महाराष्ट्राचा अपमान, महाराष्ट्राच्या संस्कृतीची बदनामी आणि मराठी भाषेची अवहेलना करण्याऱ्या मोदी सरकारच्या विरोधात उद्यापासून सुरू होणाऱ्या विधिमंडळच्या अधिवेशनात महाराष्ट्र विधानसभेत निंदा प्रस्ताव आणणार.”, असा इशारा नाना पटोले यांनी ट्वीट करत दिला आहे.

छत्रपती शिवाजी महाराज आणि महाराष्ट्राचा अपमान, महाराष्ट्राच्या संस्कृतीची बदनामी आणि मराठी भाषेची अवहेलना करण्याऱ्या मोदी सरकारच्या विरोधात उद्यापासून सुरू होणाऱ्या विधिमंडळच्या अधिवेशनात महाराष्ट्र विधानसभेत निंदा प्रस्ताव आणणार.

— Nana Patole (@NANA_PATOLE) March 2, 2022

काय म्हणाले होते राज्यपाल कोश्यारी?

औरंगाबाद येथे मराठी भाषा दिन व दासनवमीनिमित्त समर्थ साहित्य परिषदेच्या कार्यक्रमात राज्याचे राज्यपाल भगतसिंह कोश्यारी (Bhagatsingh Koshyari) हे प्रमुख पाहुणे म्हणून उपस्थित होते. यावेळी बोलत असतांना राज्यपालांनी समर्थ रामदास स्वामींशिवाय शिवाजी महाराजांना कोण विचारेल, असे खळबळजनक वक्तव्य केले.

चाणाक्याशिवाय चंद्रगुप्ताला कोण विचारेल, आणि समर्थांशिवाय शिवाजीला कोण विचारेल? मी शिवाजी किंवा चंद्रगुप्त यांना लहान दाखवत नाही. प्रत्येकाच्या मागे त्यांच्या आईचे मोठे योगदान असते, तसंच आपल्या समाजात गुरूचे मोठे स्थान असते. तसेच शिवाजी महाराज समर्थांना म्हणाले होते की, तुमच्या कृपेने मला राज्य मिळाले आहे, असे राज्यपाल म्हणाले होते.

महत्वाच्या बातम्या:

• ‘त्या’ रेडमध्ये भाजपचा पदाधिकारी पंच म्हणून सामिल; सचिन सावंत यांचा गंभीर आरोप

• “गर्जेल तो पडेल काय? उगाच टीमक्या,डायलॉगबाजी अन्…”, भातखळकरांचा राऊतांन टोला

• “आज विकास सोडून सर्व प्रकारचं केवळ राजकारण होतंय”, रोहित पवारांनी साधला भाजपवर निशाणा

• ‘त्या’ घटनेची नैतिक जबाबदारी घेऊन मोदी राजीनामा देण्याचे धाडस दाखवतील का?; राष्ट्रवादीचा सवाल

• “बाप-बेटा जेल जाणार सोबतच तीन सेन्ट्रल…”, संजय राऊतांनी पुन्हा केले ट्वीट