Winter Session 2022 | तुम्हाला सरकारमध्ये संधी हवी का? विधानसभेत फडणवीसांचा सुनील प्रभूंना सवाल

🕒 1 min read

Winter Session 2022 | नागपूर : विधानसभेचे हिवाळी अधिवेशनआजपासून नागपूरमध्ये सुरू झाले आहे. हिवाळी अधिवेशन सुरळीत पार पाडण्यासाठी सुमारे सात हजार पोलीस तैनात करण्यात आले आहेत. विधान भवनाची सुरक्षा वाढवण्यात आली आहे. मुख्यमंत्री आणि उपमुख्यमंत्र्यांची शासकीय निवासस्थाने असलेल्या ‘रामगिरी’ आणि ‘देवगिरी’ येथेही सुरक्षा व्यवस्था कडक करण्यात आली आहे. अधिवेशनात सत्ताधारी विरुद्ध विरोधक असा सामना रंगला. यावेळी ठाकरे गटाचे नेते सुनील प्रभू यांनी नागपूरमध्ये सत्ताधाऱ्यांच्या बंगल्याचा रंगरंगोटीचा मुद्दा मांडला. यावर देवेंद्र फडणवीस यांनी उत्तर दिले.

सुनील प्रभू म्हणाले, विद्यमान सरकारमध्ये सद्यस्थितीमध्ये एकही राज्यमंत्री नसताना नागपूर अधिवेशनामध्ये राज्यमंत्र्यांचे सगळे बंगले सजवले गेले. ज्या बंगल्यांची आता आवशक्यता नाही. ते बंगले सजवले गेले आहेत. एक प्रकारे सरकार प्रकल्पासाठी करोडो रुपयाचे कर्ज उभे करते. ते प्रकल्प पूर्ण केले पाहीजे. पण ही सरकारी पैश्याची उधळपट्टी आहे.

यावर देवेंद्र फडणवीस म्हणाले, “आम्ही अधिवेशनाच्या काळात देखील बंगले सजवू शकतो. तो मुख्यमंत्र्यांचा अधिकार आहे. तुम्हाला( सुनील प्रभू) संधी हवी आहे का?. अधिवेशनाच्या निमित्ताने रंगरंगोटी केली जाते. कोट्यावधी वैगरे खर्च केले नाहीत. त्याचा हिशोब आम्ही पाठवून देतो.”

दरम्यान अधिवेशन सुरु होण्याच्या काही वेळापूर्वीच विरोधकांनी विधानभवनाच्या पायऱ्यांवर ५० खोके एकदम ओके, अशा घोषणा दिल्या. पावसाळी अधिवेशनाप्रमाणेच यावेळी देखील ५० खोक्यांच्या मुद्यांवरुन विरोधक आक्रमक असल्याचे दिसत आहे. त्यामुळे सत्ताधारी देखील आक्रमक होण्याची चित्र दिसत आहेत.

राज्यपाल भगतसिंग कोश्यारी यांनी छत्रपती शिवाजी महाराजांबाबत केलेले वक्तव्य आणि कर्नाटकसोबतच्या सीमावादाच्या मुद्द्यावरून नागपुरात आजपासून सुरू होणाऱ्या महाराष्ट्र विधानसभेच्या हिवाळी अधिवेशनात गदारोळ होण्याची शक्यता आहे. फॉक्सकॉनसारखे मोठे प्रकल्प महाराष्ट्रातून गुजरातमध्ये हलवण्यावरून विरोधक मुख्यमंत्री एकनाथ शिंदे यांच्या नेतृत्वाखालील सरकारला कोंडीत पकडण्याची शक्यता आहे.

महत्वाच्या बातम्या : 

• Uddhav Thackeray | “मुंबईतील मोर्चा म्हणजे ईव्हीएमची कलाकारी नव्हती”; फडणवीसांच्या ‘त्या’ वक्तव्यावर शिवसेनेचा पलटवार
• Winter Session 2022 | उद्योगाच्या बाबतीत मुख्यमंत्र्यांना चॅलेंज, माझ्यासोबत येऊन चर्चा करा – आदित्य ठाकरे
• Winter Session 2022 | 50 खोके एकदम ओके, विधानसभेत पुन्हा झळकले बॅनर
• Devendra Fadnavis | वारकरी संप्रदायातील संत महाराष्ट्राचे वैभव – देवेंद्र फडणवीस
• Winter Session | अधिवेशन तीन आठवड्यांचे घ्यावे ; अजित पवार यांची मागणी