या ऐतिहासिक विजयाने मी खूप खूश आहे : अडवाणी

टीम महाराष्ट्र देशा : मी खूप खूश आहे. हा ऐतिहासिक विजय आहे. या निवडणुकीत सहभागी झालेला प्रत्येकजण खूप आनंदी आहे. अस वक्तव्य करत भाजपचे जेष्ठ नेते लालकृष्ण आडवाणी यांनी पंतप्रधान नरेंद्र मोदी यांचे अभिनंदन केले आहे.

भाजपचे ज्येष्ठ नेते लालकृष्ण अडवाणी यांनी लोकसभा निवडणुकीत एनडीएला मिळालेल्या विजयावर आनंद व्यक्त केला आहे. हा ऐतिहासिक विजय असल्याचे त्यांनी म्हटले. संसद भवनाबाहेर अडवाणींनी पत्रकारांशी संवाद साधला.

दरम्यान, लोकसभा निवडणुकीत मोठा विजय मिळाल्यानंतर शुक्रवारी पंतप्रधान नरेंद्र मोदी आणि भाजप अध्यक्ष अमित शहा हे अडवाणी यांच्या निवासस्थानी जाऊन त्यांचे आशीर्वाद घेतले होते. मोदी अडवाणींच्या पायाही पडले होते.