IPL 2022 : “जोपर्यंत RCB आयपीएल ट्रॉफी जिंकत नाही, तोपर्यंत…”, भर मैदानात ‘तिनं’ घेतली शपथ!

🕒 1 min read

मुंबई : आयपीएल २०२२ मध्ये मंगळवारी चेन्नई सुपर किंग्ज आणि रॉयल चॅलेंजर्स बंगळुरू यांच्यात अटीतटीचा सामना पाहायला मिळाला. या सामन्यात चेन्नईने बंगळुरूला २३ धावांनी हरवले. या सामन्यादरम्यान बंगळुरूची एक ‘पोस्टर गर्ल’ चांगलीच व्हायरल होत आहे. आपला संघ जिंकावा यासाठी, चाहते काय आण घेतील, याचा प्रत्यय सामन्यादरम्यान आला.

या सामन्यात आरसीबीची एक चाहती उपस्थित होती तिने ‘आरसीबी आयपीएल जिंकत नाही, तोपर्यंत लग्नच करणार नाही’ असे लिहलेले पोस्टर आणले होते. सध्या या पोस्टर गर्लचा फोटो सोशल मीडियावर व्हायरल होत आहे.

डी. वाय. पाटील स्टेडियमवर खेळण्यात आलेल्या या सामन्यादरम्यान जेव्हा कॅमेऱ्याची नजर या पोस्टर गर्लवर गेली, तेव्हा तिच्या हातातील पोस्टर सगळ्यांसाठी आकर्षणाचा केंद्रबिंदू ठरले. आरसीबीने अद्याप एकदाही आयपीएलचे जेतेपद जिंकलेले नाही.

यंदाच्या मोसमात फाफ डु प्लेसिसच्या नेतृत्वात आरसीबीने आतापर्यंत चार सामने खेळले असून त्यातील त्यांनी तीन सामने जिंकले आहेत. यापूर्वी संघाचे कर्णधारपद विराट कोहलीच्या हातात होते. पण तो संघाला आयपीएलचे एकही विजेतेपद मिळवून देऊ शकला नाही. यावेळी नवा कर्णधार आयपीएल ट्रॉफी जिंकून देईल, अशी आशा आरसीबीच्या चाहत्यांना आहे.

महत्त्वाच्या बातम्या –

• “राऊत राष्ट्रवादीचा भोंगा”; संदीप देशपांडे यांचा राऊतांना टोला
• IPL 2022 CSK vs RCB : ना धोनीला, ना आई-वडिलांना..! कॅप्टन म्हणून जडेजानं ‘तिला’ दिलं पहिल्या विजयाचं श्रेय; वाचा!
• IPL 2022: ‘तेरे को क्या है’ म्हणत दिल्लीच्या ‘धाकड’ फलंदाजानं केली आंब्याची चोरी; खोटं वाटत असेल तर बघा हा VIDEO!
• “तुमचं तोंड कोंबडीच्या कुठल्या भागासारखं आहे”; आव्हाडांचे राज ठाकरेंना प्रत्युत्तर
• धनंजय मुंडेना हृदयविकाराचा धक्का आल्याचे वृत्त चुकीचे – अजित पवार

IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com