“मला वाटत नाही की भारताने इतक्या सहज जिंकण्याची अपेक्षा केली असेल”

🕒 1 min read

नवी दिल्ली : भारताने सेंच्युरियनमध्ये दक्षिण आफ्रिकेचा (IND vs SA) पराभव करून पहिली कसोटी जिंकून मालिकेत आघाडी घेतली आहे. भारताने जरी सहज विजय नोंदवला असला तरी त्याची अपेक्षा फार कमी जणांनी केली असेल. दक्षिण आफ्रिकेचा माजी फलंदाज डैरिल कलिनननेही अशीच प्रतिक्रिया दिली आहे. कलीननच्या मते, भारतीय संघालाही एवढा सोपा विजय मिळेल, अशी अपेक्षाही केली नसेल.

सेंच्युरियन कसोटीच्या शेवटच्या दिवशी दक्षिण आफ्रिकेच्या फलंदाजांनी केवळ 97 धावा केल्या आणि लंचनंतर संपूर्ण संघ 191 धावांवर आटोपला. अशा प्रकारे भारताने सेंच्युरियन येथे 113 धावांनी विजय नोंदवत आपला पहिला कसोटी विजय नोंदवला.

ईएसपीएन क्रिकइन्फोवर सामन्याचे पुनरावलोकन करताना कलिनन यांनी भारत जिंकण्यासाठी पात्र असल्याचे म्हटले. त्याचवेळी, पुढील सामन्यात शार्दुल ठाकूरच्या जागी भारत कदाचित तज्ञ गोलंदाज घेऊन जाऊ शकतो, असे संकेत देखील त्यांनी दिले.

ते म्हणाले, “भारताला इतक्या सहज विजयाची अपेक्षा होती असे मला वाटत नाही. आम्हाला माहित आहे की भारत अजूनही सर्वोत्तम स्थितीत नाही. कारण संघाच्या फलंदाजीत अजूनही सुधारणेची गरज आहे. शार्दुल ठाकूरबद्दल मात्र मला खात्री नाही. भारताने चांगला खेळ केला ते या विजयाचे पात्र होते.

भारताने पहिल्या डावात पहिल्या दिवशी चांगली फलंदाजी केली होती आणि त्याच्या मदतीने टीम इंडियाने पहिल्या डावात 327 धावा केल्या, जे नंतर निर्णायक ठरले. भारताचा पहिला डाव निर्णायक असल्याचे सांगताना कलिनन म्हणाले, “माझ्या मते भारताचा पहिला डाव हा सर्वात निर्णायक भाग होता. दक्षिण आफ्रिकेत पहिला डाव खूप महत्त्वाचा आहे. पहिल्या दोन तासांनी भारताला खूप आत्मविश्वास दिला.

रबाडा आणि एनगिडी सुरुवातीला चांगले नव्हते. वेग आणि उसळीच्या सर्व अपेक्षांसह, भारताने ते सत्र चांगले खेळले आणि त्यानंतर 300 धावा केल्या. या सामन्याच्या पहिल्या दिवशी केएल राहुलने शानदार शतक झळकावले, तर मयंक अग्रवालनेही ६० धावा केल्या. मात्र, तिसऱ्या दिवशी भारतीय संघाला 272 धावसंख्येसह उर्वरित सात गडी गमावून 327 धावा करता आल्या.

महत्त्वाच्या बातम्या

• जिल्हा बँक निवडणुकीच्या विजयानंतर गायब असलेल्या नितेश राणेची पोस्ट
• सिंधुदुसिंधुदुर्ग जिल्हा बँकेवर भाजपने निर्विवाद विजय मिळवला-चंद्रकांत पाटील
• सिंधदुर्ग जिल्हा बँक निवडणुकीत भाजपला मिळालेल्या विजयावर वडेट्टीवारांची प्रतिक्रिया
• कंगनाने केलेल्या ‘त्या’ वादग्रस्त वक्तव्यामुळे आणखी एक तक्रार दाखल
• सिंधुदुर्ग जिल्हा बँक निवडणुकीत भाजपने चारली ‘मविआ’ला धूळ