मी राष्ट्रवादीशी एकनिष्ठ, वैरागचे मकरंद निंबाळकर आ. सोपलांना आव्हान देण्यास तयार

विरेश आंधळकर : मी राष्ट्रवादी काँग्रेस पक्षाचा प्रामाणिक कार्यकर्ता आहे, त्यामुळे आमदार दिलीप सोपल यांच्यासोबत पक्ष सोडणार नाही, तसेच पक्षाने उमेदवारी दिल्यास विधानसभा निवडणुक लढवण्यास तयार असल्याचं, झेडपीचे माजी बांधकाम सभापती मकरंद निंबाळकर यांनी ‘महाराष्ट्र देशा’शी बोलताना सांगितले आहे. बार्शी मतदारसंघातील वैराग भागामध्ये निंबाळकर कुटुंबाचा पगडा असल्याने सोपल यांना पर्याय म्हणून मकरंद निंबाळकर यांना विधानसभेच्या आखाड्यात उतरवण्याची चाचपणी राष्ट्रवादीकडून केली जात आहे. आता खुद्द निंबाळकर यांनी लढण्यास तयार असल्याचं सांगितलं आहे.

राष्ट्रवादी काँग्रेस आ. दिलीप सोपल शिवसेनेत प्रवेश करणार असल्याचं जवळपास निश्चित झालं आहे. पुढील आठवड्यात सोपल यांचा प्रवेश होणार असल्याचं त्यांच्या समर्थकांकडून सांगितले जात आहे. दुसरीकडे सोपल यांनी राष्ट्रवादी सोडल्यास त्यांना लढत देण्यासाठीचे पर्याय राष्ट्रवादीकडून शोधले जात आहेत. यामध्ये दोन दिवसांपासून मोहोळचे माजी आ. राजन पाटील यांचे पुत्र विक्रांत उर्फ बाळराजे पाटील यांच्या नावाची देखील चर्चा आहे.

बाळराजे पाटील हे बाहेरील मतदारसंघातील असल्याने बार्शीकर जनता त्यांना स्वीकारेल का ? हा प्रश्न आहे. त्यामुळे राष्ट्रवादीला मकरंद निंबाळकर योग्य उमेदवार ठरू शकतात. आमदार दिलीप सोपल गटातील सहकारी असणारे मकरंद निंबाळकर हे माजी आमदार नाना निंबाळकर यांचे पुतणे आहेत. जिल्हा दूध संघाचे संचालक, जि.प.चे राष्ट्रवादीचे माजी गटनेते, जि.प.चे माजी बांधकाम आणि अर्थ सभापती, अशा पदांवर त्यांनी काम केले आहे. त्यामुळे निंबाळकर यांच्या नावाला पसंती मिळण्याची जास्त शक्यता आहे.

• ‘जन आशीर्वाद यात्रे’ला पुन्हा सुरवात, यात्रेच्या समारोप सभेला पंतप्रधान मोदी उपस्थितीत राहण्याची शक्यता
• विधानसभा निवडणुकीसाठी शहांनी बोलावली बैठक, घेतला ‘हा’ मोठा निर्णय
• कॉंग्रेसला खिंडार ‘या’ मात्तबर नेत्याचे कन्या – पुत्र भाजप-सेनेच्या वाटेवर
• विधानसभा निवडणूकीसंदर्भात भाजप मुख्यालयात शहांनी बोलावली बैठक