हिंगोलीत पेट्रोलची शंभरी भरली, कोरोनाच्या संकटात महागाईचा चटका

हिंगोली : देशासह राज्यात पेट्रोलच्या दराने भडका उडाला आहे. आंतरराष्ट्रीय इंधनाचे दर घटले असताना देखील केंद्र व राज्य सरकारच्या विविध करामुळे सातत्याने इंधन दरात वाढ होत आहे. मागच्या काही दिवसांपूर्वी इंधनाचे दर स्थिर होते. तर काही त्यात घट देखील झाली होती. मात्र काही राज्यात झालेल्या निवडणूकानंतर पेट्रोल व डिझेलच्या किमतीत सातत्याने वाढ होत आहे.

पेट्रोल आणि डिझेलच्या वाढत्या किंमतीमुळे सर्वसामान्य नागरिकांना महागाईचा चटका बसत आहे. सरकारी तेल कंपन्यांनी आज, मंगळवारी पुन्हा एकदा पेट्रोल आणि डिझेलच्या किंमतीमध्ये वाढ केली आहे. पेट्रोलची किंमत प्रतिलीटर २४ ते २७ पैशांनी वाढली आहे. तर डिझेलची किंमत २७ ते ३१ पैसे प्रति लीटरनं वाढवण्यात आली आहे

मराठवाड्यातील हिंगोलीत पेट्रोलची किमत शंभर रुपये १५ पैसे प्रतिलिटर झाली. मागच्या काही दिवसापासून पेट्रोलच्या किमतीत दररोज वाढ होत आहे. यामुळे सर्वसाधारण वाहनधारक त्रस्त झाले आहेत. या वाढत्या किमतीने सर्वसामान्य नागरिकांना महागाईचा चटका बसत आहे. त्यामुळे हिंगोलीत पेट्रोलची किमत प्रतिलीटर १००. १५ तर डिझेलची किंमत ९९. ६० पैसे प्रति लीटर झाली आहे. या दर वाढीचा चांगलाच फटका सर्व सामान्य नागरिकांना बसला आहे.

पेट्रोलचे प्रतिलीटर दर
दिल्ली – 92.85
मुंबई – 99.14
कोलकाता – 92.92
चेन्नई – 94.54

डिझेलचे प्रतिलीटर दर
दिल्ली – 83.51
मुंबई – 90.71
कोलकाता – 86.35
चेन्नई – 88.34

महत्वाच्या बातम्या

• माणुसकीचा ‘विजय’! कोणीही जवळ नसलेल्या आजीला उचलून नेत केले दवाखान्यात दाखल
• मोठी बातमी! ‘औषध विक्रेते व पत्रकारांना कोविड योद्ध्यांचा दर्जा देणार’, मंत्री हसन मुश्रीफ यांची माहिती
• आंबेडकर म्हणाले ‘वणवण फिरू नका’; फडणवीसांनी दिले प्रत्युत्तर, म्हणाले..
• ‘..तेव्हा कोणत्या बिळात लोळत होतात?, पडळकरांचा काँग्रेसवर पलटवार
• ‘रस्त्यावर लोळणाऱ्यांची आता दातखिळी बसली का?’, भाई जगतापांनी पडळकरांना डिवचले