मुंबई: पाकिस्तानचा कर्णधार बाबर आझमच्या १९६ धावांच्या चौथ्या डावातील खेळीमुळे कराची येथील दुसरा कसोटी सामनाही अनिर्णित राहिला आहे. मात्र या सामन्यात कर्णधार आझमने रेकॉर्ड रचला आहे, ज्यात त्याने भारतीय कर्णधार विराट कोहलीने स्थापित केलेल्या विक्रमांसह अनेक विक्रम मोडीत काढले.
कराची येथील दुसऱ्या कसोटीत बाबरने (babar azam) १० तासांपेक्षा जास्त वेळ फलंदाजी केली आणि ४४५ चेंडू खेळले. पाकिस्तानचा कर्णधार बाबरने कराची कसोटी सामन्यात कसोटी कर्णधाराकडून चौथ्या डावात सर्वाधिक वैयक्तिक धावसंख्याही नोंदवली. बाबरने महान डॉन ब्रॅडमन, विराट कोहली, रिकी पाँटिंग आणि ब्रायन लारा यांना मागे टाकले. बाबरने कर्णधाराकडून चौथ्या डावात सर्वाधिक वैयक्तिक धावसंख्या उभारून मायकेल अथर्टनचा विक्रम मोडीत काढला. इंग्लंडच्या माजी कर्णधाराने १९९५ मध्ये दक्षिण आफ्रिकेविरुद्ध १८५ धावा केल्या होत्या.
Babar Azam leads the list of highest scores made by captains in 4th innings. #BoysReadyHain l #PAKvAUS pic.twitter.com/xNQ3W3Tobu
— Pakistan Cricket (@TheRealPCB) March 16, 2022
२०१४ मध्ये अॅडलेडमध्ये ऑस्ट्रेलियाविरुद्ध डावात कोहलीची सर्वोच्च धावसंख्या होती. बाबरने कसोटी सामन्यात सर्वाधिक चेंडू खेळण्याचा शोएब मलिकचा (३६९) विक्रम मोडीत काढला आहे. बाबरने चौथ्या डावात सर्वाधिक धावा करण्याचा विक्रम करून माजी पाकिस्तानी फलंदाज युनूस खानलाही मागे टाकले. चौथ्या डावात पाकिस्तानी फलंदाजाकडून सर्वाधिक धावा करण्याचा विक्रम आता बाबरच्या नावावर आहे. पाकिस्तानच्या युनूसने २०१५ मध्ये श्रीलंकेविरुद्ध नाबाद १७१ धावा केल्या होत्या.
महत्वाच्या बातम्या
- “विदर्भाचा बॅकलॉग भरून काढण्याची संधी भाजपने गमावली”- नाना पटोले
- “अजित पवार विदर्भ आणि मराठवाड्यावर काहीच बोलले नाहीत” – मुनगंटीवारांची टीका
- अमिताभ बच्चन यांच्या “या” खास पोस्टवर नेटकऱ्यांच्या मजेदार कमेंट्स
- प्रवीण दरेकरांची याचिका कोर्टाने फेटाळली; बोगस मजूर प्रकरण
- “२२ मार्चपासून शिवसेनेचं शिवसंपर्क अभियान राबवण्यात येणार” – संजय राऊत
