मुंबई : अभिनेत्री कंगना रनौत नंतर आता अनधिकृत बांधकाम प्रकरणी बॉलिवूड अभिनेता सोनू सूद विरोधात मुंबई महापालिकेने पोलिसांत तक्रार दाखल केली आहे. जुहू येथील सहा मजली निवासी इमारत आवश्यक परवानग्या न घेता हॉटेलमध्ये रुपांतर केल्याप्रकरणी बीएमसीने अभिनेता सोनू सूद विरोधात पोलिसांत तक्रार दाखल केली आहे
जुहू येथील एबी नायर रोडवरील शक्ती सागर बिल्डींगचे रुपांतर आवश्यक त्या परवानग्या न घेता केल्यामुळे पालिकेने जुहू पोलीस ठाण्यात सूद विरोधात तक्रार केली आहे. आवश्यक परवानगी न घेता निवासी इमारतीचा व्यावसायिक वापरासाठी बदल केल्याचा आरोप त्याच्यावर करण्यात आला आहे.
सोनू सूदने या प्रकरणी उच्च न्यायालयात धाव घेतली होती. उच्च न्यायालयात आज सुनावणी घेण्यात आली आहे. न्यायालयाने 13 जानेवारीपर्यंत कोणतीही कठोर कारवाई न करण्याचे पालिकेला निर्देश दिले आहेत. दिवाणी न्यायालयानं सोनू सूदला दिलासा देत दिलेले निर्देश पुढील सुनावणीपर्यंत कायम ठेवले आहेत.
दरम्यान सोनू सूदने दिलेल्या माहितीनुसार, त्यांनी आधीच बीएमसीकडून युझर चेंजसाठी परवानगी घेतलेली आहे आणि सध्या ते महाराष्ट्र कोस्टल झोन मॅनेजमेंट अथॉरिटीकडून परवानगी मिळण्याची प्रतिक्षा करत आहेत. तर, या इमारतीमध्ये कोणत्याही प्रकारचे अनधिकृत बांधकाम केलेले नाही, असा त्याच्या वकिलांनी केला आहे.
महत्वाच्या बातम्या
- ‘महाराष्ट्र शासनाने संभाजी भिडे यांना भीमा कोरेगाव या संवेदनशील भागात जाण्यास बंदी घालावी’
- मुंबई हायकोर्टाची सुनावणी, कंगनाला आणखी एका आठवड्याचा दिलासा
- मोठी बातमी : महाराष्ट्र लोकसेवा आयोगाने एमपीएससी परीक्षांच्या नव्या तारखा केल्या जाहीर
- आमची सुरक्षा कमी केल्याने आम्हाला काही फरक पडणार नाही : चंद्रकांत पाटील
- आदित्य ठाकरेंचे मावसभाऊ वरुण सरदेसाईंची सुरक्षा वाढवली; मनसेची मुख्यमंत्र्यांवर खोचक टीका
