तो नुकताच ऑस्ट्रेलियाहुन आला होता, घरी न सांगताच ट्रॅक्टर रॅलीमध्ये गेला आणि घरी मृतदेहच आला…

दिल्ली : प्रजासत्ताक दिनी अवघ्या जगाचे लक्ष भारताकडे लागले असताना शेतकरी आंदोलनाच्या नावाखाली समाजकंटकांनी राजधानी दिल्लीमध्ये धुडगूस घातला. शेतकऱ्यांनी काढलेल्या ट्रॅक्टर रॅलीला हिंसेचे वळण लागले.देशाच्या अस्मितेवर घाला घालणाऱ्या आंदोलकांनी पोलिसांना जीवे मारण्याचा प्रयत्न काल झाला.

कालच्या घटनेत ८६ पोलीस कर्मचारी जखमी झाले असून १५ गुन्हे दाखल करण्यात आले आहे. पोलिसांनी दिलेल्या माहितीनुसार मुकरबा चौक, गाझीपूर, सीमापुरी, नांगलोई टी पॉंइंट, टिकरी बॉर्डर आणि लाल किल्ला भागात झालेल्या ८६ पोलीस कर्मचारी जखमी झाले अहेत.  गाजीपूर, सिंघु आणि टिकरी बॉर्डरवर आंदोलनकर्त्यांनी पोलिसांचे बॅरीकेड्सही तोडले.

या आंदोलना दरम्यान आयटीओ कार्यालयाजवळ एका आंदोलक शेतकऱ्याचा मृत्यू झाला आहे. वरिष्ठ पोलिस अधिकाऱ्यांनी दिलेल्या माहितीनुसार आंदोलनात सहभागी झालेला व्यक्ती ट्रॅक्टर चालवत होता. सदर आंदोलकाने वेगाने ट्रॅक्टर आणत रस्त्यावर उभ्या पोलिसांच्या अंगावर घालण्याचा प्रयत्न केला. पोलिसांनी लावलेल्या बॅरिकेड वर याने जोरदार धडक दिल्यामुळे ट्रॅक्टर पलटी झाला.

नवरीत सिंह हा आंदोलक ट्रॅक्टर चालवत होता. ट्रॅक्टर पलटी झाल्यानंतर त्याचा मृत्यू झाल्याचं निष्पन्न झालं. मात्र, इतर शेतकऱ्यांनी नवरीतचा मृत्यू हा पोलिसांनी केलेल्या गोळीबारामुळे झाल्याचा दावा केला होता. या शेतकऱ्यांनी नवरीतचा मृतदेह तिरंग्यामध्ये गुंडाळून आयटीओ क्रॉसिंगजवळ ठेवला होता. आता नवरीत सिंह याच्या पोस्टमॉर्टम रिपोर्टमध्ये त्याच्या मृत्यूचं कारण उघड झालं आहे.

या रिपोर्टनुसार, गोळी लागून नाही तर डोक्याला गंभीर दुखापत झाल्यामुळे नवरीतचा मृत्यू झाला. पोस्टमॉर्टमनंतर नवरीतचा मृतदेह नवरीतच्या कुटुंबीयांना सोपवण्यात आला आहे. दरम्यान, त्याच्या मृत्यूमुळे घरच्यांवर दुःखाचा डोंगर कोसळला आहे. केवळ तीन दिवसांपूर्वी २७ वर्षीय नवरीत सिंह ऑस्ट्रेलियातुन मायदेशात परतला होता. नवरीत सिंह हा दिल्लीतील ट्रॅक्टर रॅलीत सहभागी होणार आहे, हे कुटुंबियांना देखील ठाऊक नव्हते. नातेवाईकाकडे जात असल्याचं सांगून तो घरातून निघाला होता. परंतु, मृत्यूपूर्वी त्याच्याशी फोनवर संवाद झाला तेव्हा त्यानं आपण शेतकरी आंदोलनात सहभागी झाल्याचं सांगितलं, असं वडील साहब सिंह यांनी सांगितलं आहे. यासंदर्भात महाराष्ट्र टाइम्सने वृत्त दिलं आहे.

#WATCH | A protesting farmer died after a tractor rammed into barricades and overturned at ITO today: Delhi Police

CCTV Visuals: Delhi Police pic.twitter.com/nANX9USk8V

— ANI (@ANI) January 26, 2021

महत्वाच्या बातम्या

• ‘सीमाभागातील बांधवांसाठी संपूर्ण महाराष्ट्र एकत्र आहे, हे दाखवण्याची आता वेळ आली आहे’
• भाजप नेत्या पंकजा मुंडेंनी राम मंदिर निर्माणासाठी दिला तब्बल ‘इतका’ निधी!
• प्रजासत्ताक दिनी ‘महाराष्ट्र देशा’च्या औरंगाबाद कार्यालयाचे शानदार उद्घाटन
• तासगावच्या उपनगराध्यक्षपदी दत्तात्रय रेंदाळकर यांची एकमताने निवड; शहरात जल्लोष
• शेतकरी आंदोलन फुटीच्या उंबरठ्यावर ? व्ही एम सिंह यांच्या गटाची आंदोलनातून माघार