हार्दिक आणि धवनची जागा घेणार दोन युवा खेळाडू; द. आफ्रिकाविरुद्धच्या वनडे मालिकेत मिळेल संधी

नवी दिल्ली : टीम इंडियाचा सलामीवीर शिखर धवनचा (Shikhar Dhawan) खराब फॉर्म बीसीसीआयने आयोजित केलेल्या विजय हजारे ट्रॉफीमध्ये कायम आहे. तसेच, हार्दिक पांड्या (Hardik Pandya) सध्या त्याच्या फिटनेसशी संघर्ष करत आहे आणि पुनरागमन करण्यासाठी तो सतत त्याच्या फिटनेसवर लक्ष केंद्रित करत आहे.  या दोन्ही खेळाडूंना पुढील महिन्यात होणाऱ्या दक्षिण आफ्रिकेविरुद्धच्या वनडे मालिकेत संधी दिली जाणार नाही.

भारतीय क्रिकेट बोर्डाच्या एका अधिकाऱ्याने शिखर धवनचा फॉर्म आणि हार्दिक पांड्याच्या फिटनेसवर पीटीआयशी बोलताना सांगितले की, या दोन खेळाडूंच्या जागी व्यंकटेश अय्यर आणि ऋतुराज गायकवाड यांना संधी दिली जाऊ शकते.

पीटीआयशी बोलताना भारतीय निवड समितीशी संबंधित एका उच्चपदस्थ अधिकाऱ्याने सांगितले की, ‘व्यंकटेश नक्कीच दक्षिण आफ्रिकेला जाणार आहे. तो प्रत्येक सामन्यात 9 किंवा 10 षटके टाकत असतो. हार्दिक पांड्या सध्या त्याच्या फिटनेसवर काम करत असून त्याला सतत संधी देण्याची हीच योग्य वेळ आहे.

शिखर धवनबद्दल असे म्हटले जात होते की, ‘भारताने गेल्या वेळी 50 षटकांची मालिका खेळली तेव्हा धवन भारताचा कर्णधार होता. त्याच्याकडे धावा करण्याची क्षमता आहे ज्याद्वारे तो पुनरागमन करू शकतो. त्यामुळे गायकवाडही संघात असावेत, मला वाटते की निवडकर्ते धवनला शेवटची संधी देऊ शकतात.

ऋतुराज गायकवाडने विजय हजारे ट्रॉफीच्या पहिल्या तीन सामन्यांमध्ये सलग तीन शतके झळकावली आहेत, तर दुसरीकडे व्यंकटेश अय्यरनेही दोन शतके झळकावली आहेत आणि प्रत्येक सामन्यात गोलंदाजीतही जबरदस्त कामगिरी करत आहे. शिखर धवनच्या फॉर्मबद्दल बोलायचे झाले तर, त्याने 0, 12, 14, 18 धावा केल्या आहेत, तसेच हार्दिक पांड्याने आधीच निवडकर्त्यांना सांगितले आहे की त्याला निवडू नये, त्याला आधी त्याच्या फिटनेसवर काम करायचे आहे.

महत्त्वाच्या बातम्या

• ‘…ही संकटाची चाहूल तर नाही ना , याकडे डोळ्यात तेल घालून लक्ष द्यावेच लागेल’
• भाजप कार्यकर्त्यांविषयी केलेल्या ‘त्या’ वक्तव्यावरून; राऊतांविरोधात दिल्लीत तक्रार दाखल
• जितेंद्र आव्हाडांचा विद्यार्थ्यांना दिलासा देण्याचा प्रयत्न; केली महत्वाची घोषणा
• ‘आव्हाडसाहेब, जमत नसेल तर मंत्रिपद सोडा, कुंपणच शेत खात असेल तर….’
• गरिबातल्या गरीब फाटक्यातल्या फाटक्या माणसापर्यंत गोपीनाथ गड पोहोचवण्याचा संकल्प! पंकजा मुंडेंचे समर्थकांना आवाहन