लातूर: जिल्ह्यात आज दि. १८ जून रोजी पालकमंत्री अमित देशमुख यांनी विविध कामांचे उद्घाटन केले. बाभाळगाव येथील वैशाली नगर भागात मुख्यमंत्री ग्रामसडक योजनेतून राष्ट्रीय महामार्ग ते वैशाली नगर असा एक किलोमीटरच्या रस्त्याच्या कामाचे भूमिपूजन देशमुखांच्या हस्ते करण्यात आले. सदरील कामाचा दर्जा उत्तम राखून ते वेळेत पूर्ण करावे, असे निर्देश याप्रसंगी त्यांनी तेथे उपपस्थित अधिकाऱ्यांना दिले.
तसेच बाभळगाव येथील ग्राम सचिवालयात आयोजित छोटेखानी कार्यक्रमात वैशालीनगर भागातील गोंड-राजगोंड समाजातील नागरिकांना ते राहात असलेल्या जागेचा मालकीहक्क कबाल्यांचे प्रातिनिधिक स्वरूपात देशमुखांच्या हस्ते आज वाटप करण्यात आले. राज्यातील महाविकास आघाडी शासनाच्या वतीने प्रत्येक नागरिकाला हक्काचे घर बांधून देण्याची योजना आखली असून या सर्व लाभार्थ्यांना त्या योजनेनुसार पक्के घर मिळणार असल्याची ग्वाही त्यांनी यावेळी दिली.
लातूर शहर महानगरपालिकेच्या वतीने गंजगोलाई-बांधकाम भवन-वासनगाव-गंगापूर अशी विस्तारित बस सेवा सुरू करण्यात आली या सेवेचे उद्घाटन देखील पालकमंत्री अमित देशमुख यांच्या हस्ते आज दि. १८ जून रोजी बांधकाम भवन, राजीव गांधी चौक येथून करण्यात आले. जिल्ह्यात आता कोव्हिड रुग्णांची संख्या कमी होत असून आता इतर थांबलेल्या कामांना चांगलाच वेग येत आहे. लॉकडाऊनमुळे रखडलेली कामे आता पुन्हा जोमाने सुरू होत असल्याचे सध्या दिसत आहे.
महत्वाच्या बातम्या
- अजित पवारांच्या बैठकीदरम्यान घोषणाबाजी करणाऱ्या कंत्राटी परिचारिकांवर लाठीचार्ज
- सामन्याला काही तासचं बाकी असताना, अश्विन-जडेजाने दिले महत्त्वाचे अपडेट
- चुकीला माफी नाही, महाराष्ट्राच्या युवकाला चक्क २२ लाखाचे बक्षीस
- ‘तुला प्रोटोकॉल कळतो का रे?’, अजित पवारांनी बीडच्या मुख्याधिकाऱ्यांना झापले
- भाजपच्या छत्रीची कॉंग्रेस भवनात झाली दुरुस्ती, पुण्यातील उपक्रमाची राज्यभरात चर्चा
