वॉशिंग्टन : ट्विटर टूलकिट प्रकरणी दिशा रविला अटक करण्यात आल्यानंतर आंततराष्ट्रीय पातळीवरील पर्यावरण ग्रेटा थनबर्गने प्रथमच आपली प्रतिक्रिया नोंदवली आहे. ग्रेटा थनबर्गने ट्विट केलेल्या टूलकिटमध्ये बदल करून ते पुढे पाठवल्याचा आरोप दिशा रविवर ठेवण्यात आला आहे. दिशा रविला न्यायालयीन कोठडी सुनावण्यात आली असून, ग्रेटा थनबर्गने दिशा रविच्या समर्थनार्थ लोकशाही आणि मानवाधिकाराचा मुद्दा उपस्थित करून ट्विट केले आहे. दिशा रविच्या अटकेनंतर ग्रेटा थनबर्गची ही पहिलीच प्रतिक्रिया आहे.
ग्रेटा थनबर्ग ट्विट करून म्हणाली, अभिव्यक्तीचे स्वातंत्र आणि एकत्रितपणे शांततेत आंदोलन करणे हा वादातीत मानवाधिकार आहे. हे लोकशाहीची मूलभूत अंग असायलाच हवे, असे ग्रेटा थनबर्गने आपल्या ट्विटमध्ये म्हटले आहे. याशिवाय हे ट्विट करताना तिने #StandWithDishaRavi या हॅशटॅगचा वापरही केला आहे. एक प्रकारे ही टीका असून, भारतातील लोकशाहीवर उपस्थित केलेले प्रश्नचिन्ह आहे, असे सांगितले जात आहे.
दरम्यान, दिशा रवीला अटक केल्यानंतर तिची चौकशी करण्यात आली. मात्र, ती तपासात सहकार्य करत नसल्याचा दावा पोलिसांनी केलाय. तसेच तपासादरम्यान ती उडवाउडीवीच उत्तरं देत असून आपल्या सहकाऱ्यांना दोषी ठरवण्याचा प्रयत्न करत असल्याचंही पोलिसांनी यापूर्वी कोर्टाला सांगितलं आहे. तिचे सहकारी मुकुल आणि जैकब यांना 22 फेब्रुवारी रोजी तपास संस्थेसमोर हजर राहण्यास सांगण्यात आलंय. त्यासाठी पोलिसांनी तशी याचिकासुद्धा केली आहे. याच याचिकेचा विरोध दिशा रवीच्या वकिलांनी केला असून दिशाला मुक्त करण्याची मागणी तिच्या वकिलांनी केला आहे. याच याचिकेवर आज न्यायालयात सुनावणी होणार आहे.
Freedom of speech and the right to peaceful protest and assembly are non-negotiable human rights. These must be a fundamental part of any democracy. #StandWithDishaRavi https://t.co/fhM4Cf1jf1
— Greta Thunberg (@GretaThunberg) February 19, 2021
महत्वाच्या बातम्या
- मित्रानेच दारू पाजून केला खून; लखन सोनवणेच्या मृत्यूचे रहस्य उलगडले
- कळमनुरीच्या ‘त्या’ कुक्कुटपालन केंद्रातील कोंबड्यांचा मृत्यू ‘बर्ड फ्लू’नेच
- दोन अल्पवयीन मुलींशी विवाह करणाऱ्या दोन नवरदेवांसह 11 जणांवर गुन्हा दाखल
- प्रेयसीला भेटायला जायचे म्हणून पठ्ठ्याने चोरली दुचाकी; सेलू येथील घटना
- भरधाव कारची दुचाकीला जोराची धडक; अपघातात दुचाकीवरील दोघे ठार
