नाशिक : भारतरत्न डॉ. बाबासाहेब आंबेडकर यांनी लिहिलेल्या संविधानात देशातील प्रत्येक घटकाला घटनेत संरक्षण देण्यात आलेले आहे. त्यामुळे या प्रत्येक घटकाला या घटनेत काय तरतूद करण्यात आली आहे. याची माहिती असणे आवश्यक असून त्यासाठी देशातील समाज सुधारकांचे साहित्यदेखील ब्रेल लिपीतून तयार होणे आवश्यक असल्याचे वक्तव्य मंत्री छगन भुजबळ यांनी केले.
सर्व अंध बांधवाना घटनेत काय लिहिलंय याची माहिती होण्यासाठी ‘दि बुद्धिस्ट असोसिएशन फॉर द ब्लाइंड’ व बार्टी या संस्थेच्या वतीने ब्रेल लिपीत भारतीय संविधानाचे रूपांतर असून महाज्योती, बार्टी, सारथी या संस्थांच्या माध्यमातून सर्वोतोपरी सहकार्य शासनस्तरावरून करण्यात येईल, असे त्यांनी स्पष्ट केले. ‘दि बुद्धिस्ट असोसिएशन फॉर द ब्लाइंड’ नाशिक या संस्थेच्या वतीने तयार करण्यात आलेल्या ‘ब्रेल लिपीतील भारतीय संविधानाच्या आवृत्ती’चे भुजबळ यांच्या वाढदिवसानिमित्ताने प्रकाशन करण्यात आले.
छगन भुजबळ यांच्या अमृतमहोत्सवी वर्षानिमित्ताने वर्षभरात ७५ लाख नागरिकांचे नेत्रदान करण्याची मोहीम सुरू करण्यात आली आहे. त्यासाठी स्वतंत्र नोंदणी कक्षाची निर्मिती करण्यात आलेली आहे. या मोहिमेत स्वतः मंत्री छगन भुजबळ यांनी आपला सहभाग नोंदवत नेत्रदानाची नोंदणी केले आहे. अतुल मते युवा मंच आडगाव व माजी नगरसेवक हरिष भडांगे यांच्या दोन रुग्णवाहिकांचे लोकार्पण करण्यात आले. जागतिक अंधदिनाच्या निमित्ताने अंधांना मिठाई, कपडे तसेच इतर विविध उपयोगी वस्तूंचे वाटप करण्यात आले.
महत्त्वाच्या बातम्या
- ‘मीडियाच्या माध्यमातून माझ्याशी बोलण्याची गरज नाही’, सोनिया गांधींचा स्वपक्षीय नेत्यांना टोला
- राज्य सरकारचं ढिसाळ नियोजन आणि नफेखोरीमुळे वीज संकट; दानवेंचा घणाघात
- ‘…मग राणे, राज ठाकरे पक्ष सोडून का गेले?, फडणवीसांचा उद्धव ठाकरेंना खोचक सवाल
- लालफितशाही: सेवानिवृत्तीची रक्कम न मिळाल्याने पोलीस कर्मचाऱ्याची आत्महत्या
- ‘दगाफटका करून सत्तेत आलेल नेते कधीच जनहिताचे काम करू शकत नाहीत’
बातम्यांसाठी YouTube चॅनेल Subscribe करा
Subscribe Now
