मुंबई : एसटी कर्मचाऱ्यांनी दिवाळीपूर्वीपासून आपल्या विवध मागण्यांसाठी संप पुकारला आहे. गेल्या दहा दिवसांपासून मुंबईतील आझाद मैदानावर या कमर्चाऱ्यांचे धरणे आंदोलन सुरु आहे. मात्र विलीनीकरण सोडून अन्य प्रश्नावर चर्चा करण्यास परिवहन मंत्री तयार असून विलीनीकरणाच्या मागणीसाठी कर्मचारी आक्रमक झाले आहेत.
आता यावर विधान परिषदेचे विरोधीपक्षनेते प्रविण दरेकर यांनी राज्य सरकारवर निशाना साधला आहे. दरेकर म्हणाले, ब्रिटिश गेले पण अजून त्यांचा प्रभाव आणि संस्कृती जायला तयार नाही, त्यामुळे तोडा आणि फोडा अशी भूमिका परिवहनमंत्री आणि सरकार घेताना दिसत आहे. एका बाजूला दबावाचं राजकारण, निलंबनाची कारवाई, सेवा समाप्तीच्या नोटिसा आणि आता हंगामी कर्मचाऱ्यांवर दबाव आणून एसटी चालू करण्याचा केविलवाणा प्रयत्न सरकार करताना दिसत आहे.
ब्रिटिश गेले पण अजून त्यांचा प्रभाव आणि संस्कृती जायला तयार नाही, त्यामुळे तोडा आणि फोडा अशी भूमिका परिवहनमंत्री आणि सरकार घेताना दिसत आहे. एका बाजूला दबावाचं राजकारण, निलंबनाची कारवाई, सेवा समाप्तीच्या नोटिसा आणि… (1/2) pic.twitter.com/evcUskJtta
— Pravin Darekar – प्रविण दरेकर (@mipravindarekar) November 18, 2021
दरम्यान, कर्मचाऱ्यांमध्ये आता संतापाची भावना निर्माण झाली आहे. कारवाईच्या भीतीने अनेक कर्मचारी कामावर हजर होत आहेत. काल रत्नागिरी विभागातील १४३ कर्मचारी कामावर हजर झाले आहेत. दरम्यान एसटी कर्मचाऱ्यांच्या संपामुळे प्रवाशांचे हाल सुरू आहेत. त्यामुळे प्रवाशांचे हाल थांबवा असे आवाहन प्रवासी संघटनांनी केले आहे.
महत्वाच्या बातम्या
- आधी तक्रारींचे निराकरण मगच नियुक्त्या – आरोग्यमंत्री राजेश टोपे
- देशमुखांना जेलमध्ये टाकल्याची भाजपाला किंमत चुकवावी लागेल- शरद पवार
- गिरगाव न्यायालयाने बजावलेले समन्स रद्द करा- राहुल गांधी
- क्रांती रेडकरने शेअर केले समीर वानखेडेंचे जन्म प्रमाणपत्र
- ‘त्याला माझ्या कमतरता माहीत आहेत’, रोहितने केले न्यूझीलंडच्या ‘या’ खेळाडूचे कौतुक
