“तू जहाँ जहाँ चलेगा, मेरा साया साथ होगा”, गोपीचंद पडळकरांचा शरद पवारांवर अप्रत्यक्ष निशाणा

🕒 1 min read

मुंबई: भाजप नेते गोपीचंद पडळकर (Gopichand Padalkar) यांनी ओबीसी आरक्षण, मराठा आरक्षण आणि पदोन्नती आरक्षण यावरून राष्ट्रवादीचे अध्यक्ष शरद ( Sharad Pawar) पवारांवर अप्रत्यक्ष निशाणा साधला आहे. त्यांनी ट्वीटरवर एक फोटो पोस्ट करत टीका केली आहे.

“तू जहाँ जहाँ चलेगा, मेरा साया साथ होगा…मेरा साया साथ होगा” असे कॅप्शन देत गोपीचंद पडळकर यांनी एक फोटो पोस्ट केला आहे. ओबीसीचे राजकीय आरक्षण गेले, मराठा समाजाचे तर सगळेच आरक्षण रद्द झाले. यावरूनच गोपीचंद पडळकर यांनी शरद पवारांवर निशाणा साधला आहे.

तू जहाँ जहाँ चलेगा
मेरा साया साथ होगा
मेरा साया मेरा साया… pic.twitter.com/JQjBOTtRvA

— Gopichand Padalkar (@GopichandP_MLA) January 21, 2022

ओबीसींचे राजकीय आरक्षण जाण्यास महाविकास आघाडी सरकारमधील ओबीसी मंत्रीच जबाबदार असल्याची टीका यापूर्वी भाजपने केली होती. मात्र यावर अजूनही कोणताही फेरविचार किंवा प्रयत्न झाला नसल्याने आता गोपीचंद पडळकर यांनी पुन्हा हे मुद्दे समोर आणले आहेत. ओबीसी आणि मराठा आरक्षणासोबतच पदोन्नती आरक्षणही रद्द करण्यात आले, यावरही कोणताही ठोस पर्याय महाविकास आघाडी सरकारने शोधलेला नाही, त्यामुळे भाजपने आता पुन्हा एकदा मराठा ,ओबीसी आणि पदोन्नती आरक्षणाचा मुद्दा समोर आणत महाविकास आघाडी सरकारमधील नेत्यांना घेरण्यास सुरुवात केली आहे.

महत्वाच्या बातम्या:

• “काही लोक देशप्रेम आणि बलिदान समजू शकत नाही”, अमर ज्योती विझवण्यावरून राहुल गांधींची टीका
• “समर्थ राष्ट्र म्हणून पाकिस्तान कधीच उभा राहू शकला नाही”
• पंतप्रधान मोदी ठरले ‘ग्लोबल अ‍ॅप्रूव्हल रेटिंग’मध्ये जगात भारी
• पंतप्रधान मोदी ठरले आंतरराष्ट्रीय स्तरावरील लोकप्रिय नेते; अतुल भातखळकरांनी केले कौतुक
• “दारू स्वस्त असो किंवा महाग कमी प्रमाणात सेवन केल्यास औषधासारखी असते”, साध्वी प्रज्ञा सिंह ठाकूरचा अजब दावा