नवी-दिल्ली : नेहमीच आपल्या वेगवेगळ्या वक्तव्यांमुळे चर्चेत असणाऱ्या भाजप खासदार साध्वी प्रज्ञा सिंह ठाकूर(Pradnya Singh Thakur) या पुन्हा एकदा आपल्या अजब वक्तव्यामुळे चर्चेचा विषय बनल्या आहेत. दारू स्वस्त असो किंवा महाग कमी प्रमाणात सेवन केल्यास ती औषधासारखी असते, असा अजब दावा प्रज्ञा सिंह ठाकूर यांनी केला आहे. दरम्यान, त्यांच्या या वक्तव्यामुळे सर्वत्र चर्चांना उधाण आले आहे.
प्रसार माध्यमांशी संवाद साधत असतांना ठाकूर म्हणाल्या की,’दारु स्वस्त असो किंवा महाग आयुर्वेदामध्ये दारु कमी प्रमाणात असेल तर ते औषध असतं आणि दारुचे प्रमाण असिमित असेल तर ते विष असते.’ तसेच या गोष्टीला सर्वांनी समजून घेतलं पाहिजे. जास्त प्रमाणात दारुचे सेवन करणाऱ्यांनी ते बंद केलं पाहिजे, असेही ठाकूर यावेळी म्हणाल्या.
दरम्यान, यापूर्वी देखील अशाच एका वक्तव्यामुळे प्रज्ञा सिंह ठाकूर चर्चेत आल्या होत्या. पेट्रोल डिझेल महाग झाले आहे, असे काही लोक म्हणत आहेत. मात्र तसे काही नसून काँग्रेस कार्यकर्त्यांची ती मानसिकता आहे, असे ठाकूर म्हणाल्या होत्या.
महत्वाच्या बातम्या:
- पंतप्रधान मोदी ठरले ‘ग्लोबल अ‍ॅप्रूव्हल रेटिंग’मध्ये जगात भारी
- “समर्थ राष्ट्र म्हणून पाकिस्तान कधीच उभा राहू शकला नाही”
- “काही लोक देशप्रेम आणि बलिदान समजू शकत नाही”, अमर ज्योती विझवण्यावरून राहुल गांधींची टीका
- दाक्षिणात्य सुपरस्टार अल्लू अर्जुन घेणार मराठमोळ्या श्रेयस तळपदेची भेट!
- ‘कलाकाराचा वेष घेऊन तुम्ही गांधी हत्येचे…’; आव्हाडांची अमोल कोल्हेंवर टीका
