🕒 1 min read
मुंबई- सध्या कोरोनाचे संकट संपूर्ण जगभरावर घोंघावत असल्यामुळे जगभरातील नागरिक कोरोना व्हायरसवरील प्रभावी लसीची वाट पाहत आहेत. कोरोनावर प्रभावी लस तयार करण्यासाठी जगभरातील अनेक देशांतील संशोधकही प्रयत्न करत आहेत. अशातच आता रिलायंस देखील कोरोनाची लस तयार करणार करणार असल्याची माहिती समोर आली आहे.
आपल्या देशातील भारत बायोटेक, सिरम इंस्टिट्यूट ऑफ इंडिया, जायडस कॅडीला यांसारख्या कंपन्याही लस तयार करण्यासाठी अहोरात्र प्रयत्न करत आहेत. लसनिर्मिती करत असलेल्या कंपन्यांमध्ये आता रिलायंस लाईफ सायंसेज कंपनीचा समावेशही झाला आहे. कोरोना प्रतिबंधक लस विकसित करण्यासाठी या कंपनीला देखील आता परवानगी मिळाली आहे.
या महिन्यापासून या लसीची प्राण्यांवरील प्री क्लिनिकल टेस्ट सुरू होणार आहे. रिलायंसने जी नवीन लस तयार केली आहे. ती लस रीकॉम्बिनेंट प्रोटीनबेस्ड कोविड लस आहे. २०२१ च्या पहिल्या तीन महिन्यात या लसीच्या चाचणीचे परिणाम समोर येऊ शकतात. कोरोना काळात या कंपनीकडून टेस्टिंग कीट्ससह लॅबोरेटरी उत्पादनं तयार केली गेली आहेत. आता लसीची निर्मिती, वितरण, यांकडेही कंपनीकडून लक्ष केंद्रीत केलं जात आहे.लोकमतने यासंदर्भात वृत्त दिले आहे.
दरम्यान, WHO च्या वतीने कोरोनावरील प्रभावी लस या वर्षाअखेरपर्यंत तयार होण्याची शक्यता असल्याचे सांगण्यात आले आहे.कोरोना महामारीसंदर्भात सुरु असलेल्या एका बैठकीत बोलताना डब्लूएचओचे अध्यक्ष टेड्रोस एडहानॉम यांनी सांगितले की, आम्हाला आशा आहे की, संपूर्ण जग ज्या व्हॅक्सिनची वाट पाहत आहे, या वर्षाअखेरपर्यंत ते व्हॅक्सिन तयार होणार आहे. तसेच त्यांनी दावा न करता अशी आशा असल्याचे सांगितले आहे.
महत्वाच्या बातम्या :-
- …म्हणून आज होणाऱ्या मराठा आरक्षणाच्या बैठकीकडे खासदार उदयनराजेंनी फिरवली पाठ
- महाराष्ट्राच्या मुख्यमंत्र्याला घराच्या बाहेर काढून दाखवा; निलेश राणेंचे राहुल गांधींना आव्हान
- मराठा आरक्षण : युवकाला शिव्या देत दमदाटी करणाऱ्या सत्तारांना अटक करा
- अखेर रिया चक्रवर्तीला जामीन मंजूर; शौविकला दिलासा नाहीच
- ‘बिअरबार उघडे ठेवून धार्मिक स्थळे बंद ठेवणारे आघाडी सरकार दारुड्यासारखे वागत आहे’
बातम्यांसाठी YouTube चॅनेल Subscribe करा
Subscribe Now
