कर्ज फेडण्यासाठी सोने व्यापाऱ्याला गंडा घालणाऱ्या ‘त्या’ कारागिराची पोलिस कोठडीत रवानगी

औरंंगाबाद : शहरातील लालचंद मंगलदास सोनी या सराफाकडे विश्वासू कारागिर म्हणून काम करणाऱ्या अमरचंद प्रेमदास सोनी (वय ४४, रा.पानदरिबा) याला क्रांतीचौक पोलिसांनी मंगळवारी रात्री अटक केली. अमरचंद सोनी याने गेल्या गेल्या सव्वा वर्षात ४० लाख १८ हजार रूपये किंमतीच्या ८४५ ग्रॅ.९०० मिली.ग्रॅ सोन्याचा अपहार करून सराफा व्यावसायीकाची फसवणूक केली होती. अटकेत असलेल्या अमरचंद सोनी याला शनिवारपर्यंत पोलीस कोठडीत ठेवण्याचे आदेश मुख्य न्यायदंडाधिकारी पी.पी. मुळे यांनी दिले.

पोलिसांनी दिलेल्या माहितीनुसार, अमरचंद सोनी हा गेल्या अनेक वर्षांपासून लालचंद मंगलदास सोनी या रोकडिया हनुमान कॉलनी परिसरातील पेढीवर कारागिर म्हणून काम करंत होता.१ एप्रिल २०२० पासून ४ जून २०२१ या काळात पेढीचे मालक उदय सोनी यांनी अमरचंद सोनीला ३किलो २७९ ग्रॅ. ४९०मिली ग्रॅ सोने दागिने घडवण्यासाठी दिले होते. त्यापैकी अमरचंद सोनीने २किलो ४३३ ग्रॅ. ५९०मिली ग्रॅ वजनाचे दागिने दिले. बाकीच्या सोन्याचा ८४५ ग्रॅम ९००मिली ग्रॅम सोन्याचा हिशोब अमरचंद सोनी पेढीचे मालक सोनी यांना देता येत नव्हता.

शेवटी मंगळवारी सायंकाळी उदय सोनी यांनी दिलेल्या तक्रारीनंतर क्रांतीचौक पोलिस ठाण्यात गुन्हा दाखल करण्यात आला होता. गुन्हा दाखल झाल्यावर क्रांतीचौक पोलिसांनी अमरचंद सोनी ला अटक केली. पुढील तपास पोलिस निरीक्षक डॉ.गणपत दराडे यांच्या मार्गदर्शनाखाली उपनिरीक्षक संदीप शिंदे करीत आहेत.

महत्वाच्या बातम्या

• ‘अश्विन आणि जाडेजा या दोघांनाही खेळवावे’ : सुनील गावस्कर
• दोन आठवड्यात मेल्ट्रॉन कोविड केअर सेंटरमध्ये उभा राहणार ऑक्सिजन प्लांट!
• ‘….तर राष्ट्रवादी आणि शिवसेनेला महाराष्ट्र हिताचा विचार करून एकत्र लढावेच लागेल’
• दानवे म्हणाले, ‘संजय राऊत चावी दिल्यावर बोलतात’; आता राऊतांच सडेतोड प्रत्युत्तर !
• काळी, सफेद, पिवळ्या बुरशीनंतर आता ‘या’ राज्यात हिरव्या बुरशीचा रुग्ण