‘गोकुळ’ मध्ये वारं फिरलंय ? प्रकाश आवाडेंनी केली तिसऱ्या आघाडीची घोषणा

कोल्हापूर : गेले काही महिने गोकुळ दूध संघाच्या निवडणुकांच्या पार्श्वभूमीवर कोल्हापूर जिल्ह्यातील राजकीय वातावरण तापत आहे. सध्याच्या स्थितीत निवडणूक घेण्यास सत्ताधारी गटाचा विरोध होता. मात्र, पालकमंत्री सतेज पाटील यांच्या गटाने मात्र निवडणूक व्हावी अशी मागणी उचलून धरली होती. यांनतर, काही दिवसांपूर्वी गोकुळच्या निवडणुकांचा कार्यक्रम जाहीर करण्यात आला आहे.

यामुळे इच्छूकांनी संचालकपद मिळवण्यासाठी शड्डू ठोकला आहे. आज (१ एप्रिल) रोजी उमेदवारी अर्ज भरण्याचा शेवटचा दिवस होता. दरम्यान, आता या निवडणुकांमधील उत्सुकता आणखीच वाढली आहे. कारण या निवडणुकीत आमदार प्रकाश आवाडे तिसरी आघाडी करणार आहेत. जिल्ह्यातील अनेक उमेदवारांना एकत्रित घेऊन तिसरी आघाडी तयार करणार असल्याचं आवाडे यांनी जाहीर केलं आहे. यामुळे निवडणुकांमध्ये अधिकच चुरस वाढल्याचं दिसून येतंय.

दरम्यान, कोल्हापूरचे पालकमंत्री सतेज पाटील, ग्रामविकास मंत्री हसन मुश्रीफ यांनी शाहू विकास आघाडीची घोषणा केली आहे. त्यामुळे गोकुळच्या निवडणुकीत महादेवराव महाडिक आणि माजी खासदार धनंजय महाडिक यांच्या गटाविरुद्ध शाहू विकास आघाडीची थेट लढत स्पष्ट होती. तर, काँग्रेसचे आमदार पी एन पाटील हे महाडिक गटासोबतच आहेत. याच गटाची सध्या गोकुळ मध्ये सत्ता आहे. मात्र, आता आमदार प्रकाश आवाडे यांनी तिसऱ्या आघाडीची घोषणा केल्यामुळे वारं फिरल्याच्या चर्चा रंगू लागल्या आहेत.

महत्वाच्या बातम्या 

• ‘अशक्य ते शक्य’ करणारे रजनीकांत हे चित्रपट व जनमनातलेही महानायक – अजित पवार
• उदयनराजेंना दणका, महाविकास आघाडी सरकारने घेतला ‘हा’ मोठा निर्णय
• औरंगाबादेतील ‘मिनी मंत्रालय’ जिल्हा परिषदेच्या नवीन प्रशासकीय इमारतीचा मार्ग मोकळा
• राज्यात रक्तसाठ्याची भीषण टंचाई, कोरोनाला न घाबरता रक्तदान करा; आव्हाडांचे आवाहन
• ‘मानसिक तयारी ठेवा…मंदिरे बंद, दुकाने बंद, मॉल बंद…फक्त पब आणि बार सुरू’