युट्युबसह जीमेल डाऊन; अवघ्या काही वेळात मिम्सचा धुमाकूळ

मुंबई : आजच्या डिजिट काळात एखादी दैनंदिन वापरातील वेबसाईट डाऊन झाली तरी आपली चलबिचल चालू होते. काही वेळापूर्वी तर आपला अविभाज्य भाग बनलेल्या जी-मेल आणि युट्युब डाऊन झाल्याचं अनुभवायला मिळत आहे. करोडो लोक ज्यावर अवलंबून असतात अशा या दोन गोष्टी एकावेळी बंद पडल्यामुळे जो तो विवंचनेत पडला आहे. युट्युब मनोरंजनासह अभ्यास व इतर कामांशी संबंधित व्हिडीओ साठी पाहिलं जातं तर जीमेल हे मेल्स, अधिकृत नोकरी, व्यवसाय संबंधित कामांसाठी वापरलं जातं.

सुरुवातीला स्वतःच्या बाबतीतच असं झाली की काय असं अनेकांना वाटलं. मग नेट बंद करून चालू केलं, ऍप-वेबसाईट बंद करून चालू केली. मात्र ‘समथिंग वेन्ट रॉंग’ काय राईट झालं नाही. मग अनेकांनी ट्विटरचा आधार घेतला आणि आपली व्यथा टाकली. दुसरीकडं मिम्स मात्र प्रचंड व्हायरल होत आहेत. अनेकांना तर या मिम्समुळे समजलं कि असं काही झालं आहे.

आता बघता बघता युट्युब डाऊन (#YouTubeDown) असा हॅशटॅग ट्रेंडिंगला आला आहे. यानंतर चक्क जीमेल देखील बंद पडलं आणि ट्रेंडिंग आलं थेट गुगल डाऊन. गुगल सर्च इंजिन व्यवस्थित असून फक्त जीमेल व युट्युब बंद पडले आहेत. त्यामुळे तुम्हीही अशा परिस्थितीला सामोरे जात असाल तर घाबरू नका. ही समस्या सर्वांनाच आली असून गुगलने अद्याप या टेक्निकल एरर बद्दल कोणताही खुलासा केलेला नाही. आता कितीवेळात या सुविधा पूर्ववत होतील याबाबत काही माहिती गुगलने अद्याप स्पष्ट केलेली नाही.

महत्वाच्या बातम्या

• ‘तानाजी मालुसरेंचा अवमान करणाऱ्या सरनाईकांचा बाळासाहेबांनीच कडेलोट केला असता’
• ‘ते’ बंगले खाजगी प्रॉपर्टी नाहीत, झालेल्या खर्चात काही गैर नाही – अशोक चव्हाण
• महाविकास आघाडी सरकारने शेतकऱ्यांवर इंग्रजांपेक्षा जास्त दडपशाही करून थट्टा केलीये – रवी राणा
• ‘राज्याचे मंत्री टू-व्हीलरने दिल्लीला जातात, पण आधी महाराष्ट्रात तरी दिवे लावा’
• ग्रामपंचायत निवणुकांसाठी राज ठाकरेंनी ठोकला शड्डू !