शुभेच्छा देत राज्यपाल कोश्यारी यांनी केले गुढीपाडवा साधेपणाने साजरा करण्याचं आवाहन

नवी दिल्ली: आज चैत्र शुक्ल प्रतिपदा अर्थात गुढीपाडवा आजपासून हिंदू नववर्षाची सुरुवात होते. दरवर्षी मोठ्या उत्साहात साजरा होणारा गुढी पाडवा हा सण मात्र गेल्या दोन वर्षांपासून या सणावर कोरोना आजाराचे सावट पडत आहे. या पार्श्वभूमीवर सर्वत्र कोरोना संकट नष्ट होण्यासाठी प्रार्थना करण्यात येत आहे.

यानिमित्त राज्यपाल कोश्यारी यांनी नागरिकांना शुभेच्छा दिल्या असून कोरोनामुळे संपूर्ण देश, विशेषतः महाराष्ट्र, करोनाच्या गंभीर संकटातून जात आहे. त्यामुळे गुढी पाडव्याचा मंगल सण यंदा आपापल्या घरीच अत्यंत साधेपणाने साजरा करावा, असे आवाहन करतो. हा सण तसेच आगामी नवे वर्ष सर्वांकरीता सुख, उत्तम आरोग्य व संपन्नता घेऊन येवो अशा सर्वांना शुभेच्छा देतो. युगादी, चेती चाँद, बैसाखी तसेच सौसर पाडवो निमित्ताने देखील मी सर्वांना हार्दिक शुभेच्छा देतो, असे राज्यपाल कोश्यारी यांनी आपल्या संदेशात म्हटले आहे.

त्याचबरोबर राष्ट्रपती रामनाथ कोविंद, पंतप्रधान नरेंद्र मोदी यांनी देखील नागरिकांना मराठीतून खास शुभेच्छा दिल्या आहेत. येणारे नवीन वर्ष आपल्या सर्वांच्या आयुष्यात चांगले आरोग्यदायी आणि खूप भरभराटीचे असावे, ही सदिच्छा, यांनी आपल्या ट्विटमध्ये म्हटले आहे.

महत्वाच्या बातम्या

• चेहऱ्या ऐवजी केसांवर मास्क ; दिव्या दत्ता झाली हैराण, नेटकरी म्हणाले ‘वो स्त्री है… ‘
• सचिन वाझे प्रकरणात नवा ट्वीस्ट, चौकशी करणाऱ्या NIAच्या IG शुक्लांची तडकाफडकी बदली
• लातूर जिल्हा; कोरोना निर्बंध आणखी कडक होणार, मनपा आयुक्तांचा इशारा
• ‘भाद्रपद महिन्यातल्या कुत्र्याला देखील लाज वाटते, पण धनंजय मुंडेंना लाज वाटली नाही’
• ‘महाकुंभमेळावा म्हणजे करोनाचा सुपर स्प्रेडर सोहळा’