एकनाथ खडसेंना इतक्या वेळा कोरोना होतोच कसा याचं संशोधन झालं पाहिजे – महाजन

जळगाव : महाराष्ट्रात कोरोना रुग्णाचे प्रमाण कमी झाल्यानंतर हळूहळू लॉकडाऊनमध्ये शिथीलता करण्यात आली. त्यामुळे कोरोना संदर्भातील सर्व नियम पाळून राज्यात सर्व काही पूर्ववत होत आहे. पण काही जण कोरोना संदर्भातील नियम पाळत नसल्यामुळे आता कोरोना रुग्णाचे प्रमाण वाढताना दिसत आहे. राज्यातील तब्बल ४ मंत्री कोरोनाच्या विळख्यात अडकले आहेत. तर राष्ट्रवादीचे जेष्ठ नेते एक्नाठ्खाद्से यांना तर तिसऱ्यांदा कोरोणा झाल्याचे त्यांनी ट्विट करून सांगितले आहे.

यावर आता माजी जलसंपदा मंत्री आणि भाजप नेते गिरीश महाजन यांनी एकनाथ खडसे यांना चिमटा काढला आहे. भाजप सोडून राष्ट्रवादी काँग्रेसमध्ये गेलेल्या एकनाथ खडसे यांना कोरोनाची तिसऱ्यांदा लागण झाली आहे. त्यामुळे ते सध्या क्वारंटाईन आहेत. पण एकनाथ खडसे यांना दोन महिन्यात पुन्हा कोरोनाची लागण झाल्याने हा चिंतेचा विषय आहे आणि यावर संशोधन झाले पाहिजे असा टोला गिरीश महाजन यांनी लगावला आहे.

एकनाथ खडसे यांनी नोव्हेंबरमध्ये ट्विट करुन कोरोना झाल्याची माहिती दिली होती. त्यानंतर ईडीच्या चौकशीच्या दिवशी आपल्याला कोरोना सदृश लक्षणं जाणवत असल्याने डॉक्टरांनी आरामाचा सल्ला दिला आहे, असे सांगत खडसे १४ दिवस क्वारंटाईन जाले होते. तर आता १८ फेब्रुवारी रोजी पुन्हा कोरोनाची लागण झाल्याचे त्यांनी ट्विट करुन सांगितले आहे.

एकनाथ खडसे यांना पहिल्यांदा कोरोना झाल्याचे ट्विट

माझा कोरोना रिपोर्ट पॉझिटीव्ह आला आहे. गत ६ दिवसात माझ्या संपर्कात आलेल्या व्यक्तींनी स्वतःची Covid चाचणी करून घ्यावी हि विनंती. पुढील उपचारासाठी मी मुंबईला रवाना होत आहे. तुम्हा सर्वांच्या सदिच्छा माझ्या सोबत असल्याने मी लवकरच बरा होऊन पुन्हा आपल्या सेवेत असेल.@NCPspeaks

— Eknath Khadse (@EknathGKhadse) November 19, 2020

एकनाथ खडसे यांना दुसऱ्यांदा कोरोना सदृश्य लक्षण असल्याचे ट्विट

आज ई. डी. कार्यालयात जाणार होतो, मात्र वैद्यकीय अधिकाऱ्यांच्या सल्ल्यानुसार १४ दिवसानंतर जाणार आहे.@NCPspeaks pic.twitter.com/wJJOVmjAJH

— Eknath Khadse (@EknathGKhadse) December 30, 2020

एकनाथ खडसे यांना तिसऱ्यांदा कोरोना झाल्याचे ट्विट

माझी कोरोना चाचणी केली असता ती पॉझिटिव्ह आली असून माझी तब्येत चांगली आहे, काळजीचे कारण नाही. गेल्या काही दिवसात माझ्या संपर्कात आलेल्यांनी आपली कोरोना चाचणी करून घ्यावी अशी मी विनंती करतो.

— Eknath Khadse (@EknathGKhadse) February 18, 2021

महत्वाच्या बातम्या 

• ‘महाविकास आघाडी सरकार म्हणजे दात पडलेले वाघ
• सरकारी कर्मचाऱ्यांना इलेक्ट्रिक गाडी बंधनकारक करणार-गडकरी
• मोठी बातमी : राज्यात नाईट कर्फ्यू लागू होणार ? ; ठाकरे सरकारमधील मंत्र्यांचे संकेत
• लातूरमध्ये जनावरांसाठी मोबाईल दवाखाने’
• अवकाळी पावसाने शेतकऱ्यांचे नुकसान, भरपाई देण्याची मागणी