दुचाकीवरुन पडलेल्या भावी नवरदेवाचा उपचारादरम्यान मृत्यू

औरंंगाबाद : दुचाकीवरून पडलेल्या तरुणाचा घाटीत उपचारादरम्यान मृत्यू झाला. हा अपघात पडेगाव परिसरातील साईनगरजवळील रेल्वे रुळाजवळ घडला होता.
नीरज ज्ञानेश्वर गडवे (वय २३, रा. तरतगाव, ता. पंढरपूर, जि. सोलापूर, ह. मु. साईनगर, पडेगाव) असे मृत तरुणाचे नाव आहे.

नीरज हा शहरातील एका कंपनीत मार्केटींगचे काम करत होता. त्याचे नुकतेच लग्न ठरले होते. गुरुवारी सायंकाळी तो दुचाकीने जात असताना साईनगर जवळील रेल्वे रुळाजवळ तो अचानक दुचाकीवरून खाली पडल्याने गंभीर जखमी झाला.

त्याला प्रथमोपचारासाठी खासगी रुग्णालयात दाखल करण्यात आले. मात्र, प्रकृती अधिकच खालावल्याने त्याला घाटीत हलविण्यात आले होते. पण सकाळी दहाच्या सुमारास उपचारादरम्यान त्याचा मृत्यू झाला. या अपघाताची नोंद छावणी पोलीस ठाण्यात करण्यात आली आहे.

महत्वाच्या बातम्या

• मराठा आंदोलनाची दिशा उद्या नाशकातून ठरणार
• मराठा आरक्षण; सुप्रीम कोर्टाच्या निर्णयाविरोधात विनोद पाटलांची पुनर्विचार याचिका
• ‘काँग्रेस-राष्ट्रवादीला मोठे करण्यासाठी ‘महाविकास आघाडी’ स्थापन केली काय?’, सरनाईकांचा उद्धव ठाकरेंना सवाल
• ‘…तर पुन्हा कपडे उतरवणार’ ; डब्ल्यूटीसी फायनल वर पूनम पांडेचे नवे भाष्य
• कोणत्याही आंदोलनात हाणामारी करायची वेळ आली की राणे बंधू शेपुट घालुन पळ काढतात – वैभव नाईक