‘आझाद मैदान ते दिल्ली ज्या नेत्यांनी शेतकरी आंदोलनाला चिथावणी दिली त्यांच्या मुसक्या आवळाव्यात’

मुंबई : गेल्या काही दिवसांपासून कडाक्याच्या थंडीत शेतकऱ्यांचे आंदोलन सुरू आहे. दिल्लीमध्ये प्रजासत्ताक दिनाच्या दिवशीच शेतकऱ्यांनी कृषी कायद्यांविरोधात ट्रॅक्टर मार्च काढला आहे. याला पोलिसांनी परवानगी दिलेली असली तरीही काही ठिकाणी आंदोलकांकडून पोलिसांवर हल्ला करण्याचा देखील प्रकार घडला आहे.

अनेक ठिकाणी पोलिसांनी बॅरिकेड लावून रस्ते अडविले होते. परवानगी दिलेला मार्ग सोडून इतर भागात घुसण्याचा प्रयत्न शेतकरी आंदोलकांनी केल्यामुळे पोलीस व आंदोलक यांच्यात मश्चक्री पाहायला मिळाली. आंदोलकांनी पोलिसांवर हल्लाबोल करून ट्रॅक्टर चढवण्याचा प्रयत्न करण्यात आल्यानंतर पोलिसांनी अश्रूधूराच्या नळकांड्या फोडल्या आणि लाठीचार्ज करत या शेतकऱ्यांना रोखण्याचा प्रयत्न देखील करण्यात आला. मात्र, आक्रमक शेतकऱ्यांपुढे हे प्रयत्न कमी पडले.

या घटनेमुळे प्रजासत्ताक दिनाला गालबोट लागलं असून अनेक पोलिसांसह शेतकरी देखील गंभीर जखमी झाले आहेत. या घटनेनंतर राजकीय पक्षांमध्ये आरोप-प्रत्यारोप सुरु झाल्याचं पाहायला मिळत आहे. विरोधकांनी या घटनेचं खापर केंद्र सरकारवर फोडलं आहे.

आता विरोधकांची या आरोपानंतर भाजप आमदार अतुल भातखळकर यांनी राज्यातील नेत्यांसह इतर नेत्यांवर निशाणा साधला आहे. ‘आझाद मैदान ते दिल्ली ज्या नेत्यांनी शेतकरी आंदोलनाला चिथावणी दिली त्यांच्या मुसक्या आवळून त्यांना तुरुंगात डाम्बावे अशी मागणी मी गृहमंत्री अमित शहा यांच्याकडे करतो आहे.’ असं ट्विट त्यांनी केलं आहे. त्यांचा निशाणा राष्ट्रवादी काँग्रेसचे अध्यक्ष शरद पवार यांच्यासह महाविकास आघाडीतील नेत्यांकडे असल्याचं दिसून येत आहे.

आझाद मैदान ते दिल्ली ज्या नेत्यांनी शेतकरी आंदोलनाला चिथावणी दिली त्यांच्या मुसक्या आवळून त्यांना तुरुंगात डाम्बावे अशी मागणी मी गृहमंत्री @AmitShah यांच्याकडे करतो आहे. https://t.co/3y5rZpRIbG

— Atul Bhatkhalkar (@BhatkhalkarA) January 26, 2021

महत्वाच्या बातम्य

• ‘दिल्लीतील परिस्थितीला जबाबदार धरून आता अमेरिकेच्या जो बायडन यांचा राजीनामा घेणार का ?’
• ‘ते’ संकट टळल्यानंतर धनंजय मुंडेंचं जंगी स्वागत; चक्क जेसीबीमधून केली पुष्पवृष्टी !
• ‘विजय वडेट्टीवार यांच्या तोंडाला काळे फासणाऱ्यास जशास तसे उत्तर दिले जाईल’
• दिल्ली धुमसतीये : १८ पोलीस जखमी तर एकाची प्रकृती गंभीर
• दिल्लीतील चिघळलेली परिस्थिती आटोक्यात आणण्यासाठी गृहमंत्रालयाने उचलले महत्वाचे पाऊल !