जेएनयूच्या गेटवर झेंडे, पोस्टर्सवर लिहले भगवा जेएनयू

दिल्ली : मागील अनेक दिवसांपासून जवाहरलाल नेहरू विद्यापीठ म्हणजेच जेएनयू मध्ये वाद विवाद उफाळून येत आहेत. येथे रामनवमीच्या दिवशी मांसाहारावरून झालेल्या गदारोळावरून विद्यार्थ्यांच्या दोन गटात हिंसक हाणामारी झाली होती. येथील कावेरी हॉस्टेलमधील मांसाहारावरून विद्यार्थ्यांच्या दोन गटांमध्ये वाद निर्माण झाले होते. त्यानंतर या वादाने हिंसक वळण घेतले होते. यामुळे येथे चांगलेच वातावरण तापले आहे.

आता आणखी एक वादग्रस्त प्रकरण समोर आले आहे. आता जेएनयूच्या मुख्य गेटवर, कॅम्पस आणि त्याच्या भिंतीभोवती भगवा झेंडा आणि पोस्टर्सवर भगवा जेएनयू लिहण्यात आले आहे. जेएनयूच्या मुख्य गेटवर भगवा झेंडा लावण्यात आले आहे. हा भगवा झेंडा आणि पोस्टर्स हिंदू सेनेच्या संघटनेने लावले आहेत. या पोस्टर्स आणि झेंड्यावरून जेएनयूमध्ये नव्याने वादाला तोंड फुटले आहे.

राम नवमीच्या दिवशी झालेल्या हिंसक घटनेवर केंद्रीय शिक्षण संस्थेने जेएनयूकडून अहवाल मागितले आहे. तर विद्यापीठ विद्यार्थी संघटनेने या प्रकरणी हायकोर्टच्या निवृत्त न्यायाधीशाकडून चौकशी करण्यात यावी अशी मागणी केली. यामुळे जेएनयूचे वातावरण पुन्हा एकदा तापलेले आहे, डाव्या आणि उजव्या विद्यार्थी संघटनांमध्ये संघर्ष पेटण्याची शक्यता आहे.

महत्वाच्या बातम्या :

• दिशा सालियन ते विक्रांत घोटाळा करणाऱ्या आरोपींना दिलासा कसा मिळतो?; संजय राऊतांचा सवाल
• IPL 2022 RR vs GT: कॅप्टन्स इनिंग खेळणाऱ्या हार्दिकचे एक तिर में दोन निशाणे; सामना तर जिंकला सोबतच…
• “…नंतर येत आहे ‘टॉयलेट एक लव्ह स्टोरी’”; संजय राऊतांचा ट्वीट करत इशारा
• IPL 2022 RR vs GT: अन् सामना सुरु असताना ‘या’ कारणामुळे हार्दिक मैदानाबाहेर पडला!
• किरीट सोमय्यांचा अजून एक घोटाळा बाहेर; संजय राऊतांनी केला खुलासा