अखेर बाळासाहेब ठाकरे यांच्या स्मारकाचे भूमिपूजन मुख्यमंत्र्यांच्या हस्ते पार

🕒 1 min read

मुंबई : दिवंगत शिवसेनाप्रमुख बाळासाहेब ठाकरे यांच्या राष्ट्रीय स्मारकाचं भूमिपूजन आज पार पडले आहे. या कार्यक्रमासाठी मुख्यमंत्री उद्धव ठाकरे यांच्यासहित उपमुख्यमंत्री अजित पवार, नगरविकास मंत्री एकनाथ शिंदे, परिवहन मंत्री अनिल परब, महापौर किशोरी पेडणेकर, महसूलमंत्री बाळासाहेब थोरात, संजय राऊत आणि सुभाष देसाई उपस्थित राहिले होते. आज संध्याकाळी ५ वाजता मुख्यमंत्री उद्धव ठाकरेंच्या हस्ते हा सोहळा पार पडला आहे.

मुख्यमंत्री उद्धव ठाकरे, उपमुख्यमंत्री अजित पवार, महसूल मंत्री बाळासाहेब थोरात यांच्या हस्ते महापौर निवासाच्या प्रांगणात छत्रपती शिवाजी महाराजांच्या पुतळ्यास पुष्पहार अर्पण करुन अभिवादन करण्यात आले.

त्यानंतर मान्यवरांच्या हस्ते कळ दाबून स्मारकाच्या कामाची सुरुवात करण्यात आली. यावेळी प्रांगणामध्ये वृक्षारोपण देखील करण्यात आले. त्यानंतर मुख्यमंत्री आणि अन्य मान्यवरांच्या उपस्थितीत स्मारकाच्या कोनशिलेचे अनावरण करण्यात आले. या ठिकाणी झालेल्या छोटेखानी कार्यक्रमात चित्रफितीच्या माध्यमातून स्मारकाविषयी सादरीकरण करण्यात आले.

बाळासाहेबांचं स्मारकाचं काम होणार दोन टप्प्यात –

पहिल्या टप्प्यात स्थापत्य, विद्युत, वातानुकुलित यंत्रणा उभारणी, इमारतीच्या अंतर्गत आणि बाह्य सजावट, वाहनतळ उभारणी, बागबगिचा तयार करणे, रेनवॉटर हार्वेस्टिंग आदी कामे केली जातील. यासाठी २५० कोटी रुपयांचा निधी उपलब्ध करून दिला जाणार आहे.

तर, दुसऱ्या टप्प्यात तंत्रज्ञानविषयक कामं केली जाणार आहेत. यामध्ये लेझर शो, डिजिटल मॅपिंग प्रोजेक्शन, कथा/गोष्टी सांगणे, चित्रपट, व्हर्च्यूअल रियालिटी शो आणि तांत्रिक बाबींवर काम केले जाईल. ही कामे स्मारकाची इमारत अंतिम टप्प्यात आल्यानंतर केली जातील. या कामांसाठी १५० कोटींचा निधी राखीव ठेवण्यात आला आहे.

महत्त्वाच्या बातम्या

• बांधकाम क्षेत्राला मोठा दिलासा : 2021-22 वर्षासाठी रेडी रेकनर दरात कोणतीही वाढ नाही
• ममता बॅनर्जींना पाठिंबा देण्यासाठी काही दिवसांनी शरद पवार जाणार बंगालला
• रवी शास्त्रींनी घेतली राज्यपाल कोश्यारींची भेट, चर्चांना उधाण
• चौकशी समितीवरून आव्हाड-फडणवीसांमध्ये जुंपली; फडणवीसांनी थेट ‘तो’ कागदचं दाखवला
• महाराष्ट्र सरकार वाघांचं की लांडग्यांचं? आंबेडकरांचा प्रहार