बारामती : देशभरात कोरोनाने थैमान घातले आहे. गेल्या २४ तासांमध्ये देशात तब्बल १ हजार ३४१ रुग्णांचा कोरोनामुळे मृत्यू झाला आहे. गेल्या ४ दिवसांपासून रोज देशभरात १ हजारहून जास्त रुग्णांचा मृत्यू झाल्याची नोंद होत आहे. गेल्या २४ तासांची आकडेवारी पाहाता देशभरात एकूण २ लाख ३४ हजार ६९२ नवे करोनाबाधित रुग्ण सापडले आहेत.
महाराष्ट्रात देखील कोरोनाची स्थिती अधिक भयावह होत आहे. राज्यात काल (१६ एप्रिल ) ६३ हजार ७२९ नव्या रुग्णांची वाढ झाली आहे. तर ३९८ रुग्णांचा मृत्यू झाला आहे. आतापर्यंत महाराष्ट्रात कोरोनामुळे तब्बल ५९ हजार ५५१ जणाचा कोरोनाने बळी घेतला आहे.
कोरोनाच्या या दुसऱ्या लाटेत राज्याची आरोग्य व्यवस्था कोलमडून पडली आहे. बेड्स, ऑक्सिजन, व्हेंटिलेटर्ससह रेरेमडेसिविरचा प्रचंड तुडवडा प्रत्येक जिल्ह्यात जाणवत आहे. रुग्ण बेड्स अभावी जीव सोडत आहेत. तर रेमडेसिवीर इंजेक्शन मिळविण्यासाठी रुग्णांच्या नातेवाईकांना मोठी पळापळ करावी लागत आहे.
अशात उपमुख्यमंत्री अजित पवारांच्या मतदारसंघातून एक धक्कादायक बातमी समोर येत आहे. बारामतीत रेमडेसिविर इंजेक्शनमध्ये पॅरासिटामॉल मिसळून इंजेक्शन म्हणून देणा-या चौघांना बारामती तालुका पोलिसांनी काल (१६ एप्रिल ) रात्री पकडले.
1300 रुपयांचे रेमडेसिविर इंजेक्शन 35 हजाराला विक्री करणा-या एका युवकाला जेरबंद केल्यानंतर त्यांच्याकडून ही माहिती उघड झाली. या प्रकरणी पोलिसांनी चौघांना अटक केली असून पुढील तपास सुरु आहे. ही इंजेक्शन घेतल्याने काही रुग्णांचा मृत्यूही झाल्याची प्राथमिक माहिती पुढे येत असून या बाबत पोलिस सखोल तपास करणार आहेत.
बारामती शहरातील फलटण चौकात रेमडेसिविर इंजेक्शन घेण्यासाठी संबंधित युवकाने बोलाविल्यानंतर सापळा लावून तालुका पोलिसांनी त्याला ताब्यात घेतले. एक इंजेक्शन 35 हजार या प्रमाणे दोन इंजेक्शनचे 70 हजार रुपये घेतले गेले.
पोलिसांनी या प्रकरणी माहिती घेतल्यानंतर एका दवाखान्यातील कर्मचारी रिकाम्या झालेल्या रेमडेसिविरच्या मोकळया बाटल्या आणून त्यात सिरींजने पॅरासिटीमॉल मिसळून पुन्हा फेव्हिक्विकच्या मदतीने या बाटल्या बंद करुन पुन्हा त्या बाजारात नव्या म्हणून काळ्या बाजारात जादा दराने विक्री करण्याचा हा गोरखधंदा सुरु होता. या बाबत अन्न व औषध प्रशासनाचे अधिकारी पोलिस ठाण्यात दाखल झाले असून आता लवकरच या बाबत फिर्याद दिली जाणार आहे.
महत्वाच्या बातम्या
- उस्मानाबादेत लाचखोर दुय्यम निबंधकासह तिघांना अटक, १० हजारांची लाच घेताना जाळ्यात
- ‘पंढरपूर-मंगळवेढा विधानसभा पोटनिवडणुकीत महायुतीचा उमेदवार विजयी होणार’
- महाआवास अभियान; उस्मानाबाद जिल्हा मराठवाड्यात अव्वल
- पंढरपूर- मंगळवेढा विधानसभा पोटनिवडणुकीत विजयी होण्याचा भगीरथ भालकेंना विश्वास
- महाराष्ट्रातील परिस्थिती अधिक गंभीर, मुख्यमंत्र्यांचा पंतप्रधानांना २४ तासात ३ वेळा फोन
बातम्यांसाठी YouTube चॅनेल Subscribe करा
Subscribe Now
