उस्मानाबाद: मागील काही दिवसांपासून लाचखोरीच्या घटनेत वाढ झाली आहे. खरेदी दस्त नोंदणीसाठी १० हजाराच्या लाचेची मागणी करून रक्कम स्विकारणाऱ्या कळंब येथील प्रभारी दुय्यम निबंधकास रंगेहात पकडण्यात आले तर लाचखोरीसाठी प्रोत्साहन देणाऱ्या खाजगी चालकासह दोघांनाही ताब्यात घेण्यात आले आहे. कळंब येथे एसीबीच्या पथकाने शुक्रवारी ही कारवाई केली. एसीबीच्या या कारवाईमुळे कळंब दुय्यम निबंधक कार्यालयातील भ्रष्ट कारभार चव्हाट्यावर आला असून कोरोना संकट काळात देखील सर्वसामान्य नागरिकांची अडवणूक व पिळवणूक कशी होते ते या निमित्ताने चव्हाट्यावर आले आहे.
याबाबत एसीबीने दिलेली अधिक माहिती अशी की, तक्रारदार कळंब दुय्यम निबंधक कार्यालयाच्या परिसरात जमीन, प्लॉट, घर खरेदी- विक्रीचे दस्त तयार करण्याचे काम करतात. तक्रारदार यांनी मोहा येथील पक्षकाराचे जमीन खरेदी खताचे दस्त बनविले होते. ते दस्त त्यांनी नोंदणीसाठी कळंब दुय्यम निबंधक कार्यालयातील प्रभारी दुय्यम निबंधक अमृत पांडुरंग बंडगर यांच्याकडे सादर केले. यावेळी प्रभारी दुय्यम निबंधक बंडगर यांनी १० हजाराची लाच मागितली.
याप्रकरणी तक्रारदार यांनी एसीबीकडे तक्रार दिली होती. त्यावरून एसीबीचे उपअधीक्षक प्रशांत संपते यांच्या मार्गदर्शनाखाली एसीबीच्या पथकाने सापळा रचला होता. दरम्यान, प्रभारी दुय्यम निबंधक बंडगर यांनी गुरूवारी पंचासमक्ष दस्त नोंदणीसाठी १० हजाराची लाच मागितली. तसेच पक्षकार हे वयोवृद्ध असून कोरोनाचा वाढता प्रादुर्भाव असल्याने त्यांच्याकडून ही लाचेची रक्कम घेण्यास तक्रारदार यांना सांगितले. यावेळी शुक्रवारी ही रक्कम देण्याचे ठरले होते. त्यानुसार तक्रारदार पक्षकारास घेवून दुय्यम निबंधक कार्यालयाकडे गेले होते.
महत्वाच्या बातम्या
- पंढरपूर- मंगळवेढा विधानसभा पोटनिवडणुकीसाठी आज मतदान, चुरशीच्या लढतीकडे राज्याचे लक्ष
- प.बंगालमध्ये पाचव्या टप्प्यासाठी आज मतदान, केंद्रीय सशस्त्र पोलीस दलाच्या 853 तुकड्या तैनात
- ‘अजित पवार…तुम्ही आरोग्य व्यवस्था अगोदर नीट करा मग लॉकडाऊनची धमकी द्या’
- रेमडेसिव्हिरचा काळाबाजार! घाटीतील कर्मचारी, मेडिकल चालकासह तिघे अटकेत
- पंढरपूर- मंगळवेढा विधानसभा पोटनिवडणुकीत विजयी होण्याचा भगीरथ भालकेंना विश्वास
