आलिया भट्टच्या ‘कन्यादान’ जाहिरातीविरुद्ध तक्रार दाखल

🕒 1 min read

मुंबई : आलिया भट्ट नेहमीच तिच्या ग्लॅमरस अभिनयाने आणि आदगीरीने तिच्या चाहत्यांना घायाळ करत असते. आलिया तिच्या मेकअप, फॅशन, फिटनेस चांगलीच चर्चेत असते. नुकतेच तिने ‘मान्यवर’ या प्रसिद्ध कपड्यांच्या जाहिरातीत आलिया भट्ट कन्यादान प्रथेविषयी बोलत असल्याचे पाहायला मिळाली. मात्र यावरून तिच्यावर संताप व्यक्त करण्यात आला आहे. त्यानंतर आता तिच्या अडचणीत अधिक वाढ होण्याची शक्यता वर्तवण्यात आली आहे. ‘कन्यादान’च्या जाहिरातीमुळे आता मुंबईत तक्रार दाखल करण्यात आली आहे.

आलियाने या जाहिरातीच्या माध्यमातून हिंदूंच्या भावना दुखावल्याचा आरोप तक्रारकर्त्याने केला आहे. मुंबईच्या लोकक्रांती सामाजिक संघटनेने मान्यवर हा ब्रँड आणि आलिया भटविरोधात तक्रार दाखल केली आहे. संघटनेचे अध्यक्ष व पेशाने वकील असलेले विजेंद्र जाबराने यांनी संबंधित जाहिरात हिंदूविरोधी असल्याचा दावा केला आहे. यामुळे आता आलियाच्या अडचणीत वाढ होण्याची शक्यता आहे.

सोशल मीडियावर व्हायरल झालेल्या  व्हिडीओत आलिया नववधूच्या पोशाखात लग्न मंडपात दिसत आहे. या जाहिरातीदरम्यान तिने विवाह सोहळ्यातील कन्यादानाबाबत प्रश्नचिन्ह उपस्थित केले आहे. मुलीला परक्याचे धन का मानले जाते? असा प्रश्न तिने विचारला आहे. “मुलगी ही दान करण्याची गोष्ट नाही, त्यामुळे कन्यादान नाही कन्यामान,” असा संदेश या व्हिडीओतून देण्याचा प्रयत्न करण्यात आला आहे. यावरून आलियाने हिंदू धर्माचा अपमान केला असल्याचे अनेकांचे म्हणणे आहे.

महत्वाच्या बातम्या

• गोव्यात शिवसेनेची सत्ता आल्यास महाराष्ट्राप्रमाणे कामगिरी करून दाखवू – संजय राऊत
• महात्मा गांधींचे विचार सामान्यांपर्यंत पोहचविण्यासाठी भाजपा तर्फे राज्यात विविध कार्यक्रमांचे आयोजन
• भारतीय लष्कराच्या गौरवशाली आणि अभिनास्पद कामगिरीचे दर्शन घडवणारे मुंबईत उभे राहणार लष्करी संग्रहालय
• ‘माजी पोलीस आयुक्त परमबीर सिंग देश सोडून फरार?’, अजित पवारांनी दिले उत्तर
• ‘मुख्यमंत्री किती मिनिटांचा मराठवाडा दौरा करतात हे पाहावे लागेल’, मनसेचा टोल