नांदेड : राज्यभरात कोरोनाने थैमान घातले आहे. दवाखान्यात जागा नसल्याने रुगांना उपचाराअभावी आपला प्राण सोडवा लागत आहे. अशात राज्यातील आरोग्य व्यवस्था अक्षरशः उघडी पडली आहे. आरोग्य व्य्स्वस्था आणि शासनावर प्रचंड ताण येत आहे. दवाखाने पूर्ण भरले आहेत. याच पार्श्वभूमीवर प्रशासनाकडून जास्तीत जास्त कोविड सेंटर उभारण्यासाठी प्रयत्न सुरू आहेत.
यासाठी अनेक सामाजिक संस्था आणि संघटना पुढे येत आहेत. आता एका शेतकऱ्याने थेट आपली शेतीच कोविड सेंटरसाठी प्रशासनाला विनामोबदला देण्याची तयारी दाखवली आहे. नांदेड शहरापासून 14 किमी अंतरावर स्वप्नील सूर्यवंशी यांची शेती आहे. आपली ही शेती आपण प्रशासनाला कोविड सेंटरसाठी विना मोबदला देण्यास तयार असल्याचं स्वप्नील यांनी ट्विटर अकाऊंटवरुन म्हटलं आहे. स्वप्नील हे नांदेश शहर संभाजी ब्रिगेडचे अध्यक्षही आहेत. त्यांच्या या ट्विटनंतर अनेकांनी त्यांच्या निर्णयाचं कौतुक केलंय.
https://twitter.com/lucky_swapnil/status/1384190459304501252?s=20
https://twitter.com/lucky_swapnil/status/1384394192126840834?s=20
दरम्यान, गेल्या काही दिवसांत राज्यातील कोरोना रुग्णांची संख्या मोठ्या प्रमाणात वाढत आहे. राज्यात दिवसाल ६० हजारांपेक्षा जास्त बाधित आढळून येत आहेत. त्यातच, ऑक्सिजन, रेमेडीसीवीर इंजेक्शन आणि इतर वैद्यकीय यंत्रणा तोकडी पडत आहे. त्या पार्श्वभूमीवर राज्य सरकारने कडक निर्बंध लागू केले आहेत. मात्र, अद्यापही कोरोनाची संख्या कमी होताना दिसत नाही. त्यामुळे, राज्यात कडक लॉकडाऊन लागू करण्याचा निर्णय घेतला जाण्याची शक्यता आहे.
महत्वाच्या बातम्या
- ऑक्सिजन, रेमडेसिवीरसाठी जितेंद्र आव्हाडांच्या पत्नी रस्त्यावर
- जितेंद्र आव्हाडांच्या पत्नीसह अविनाश जाधवांचे ठाण्यात ठिय्या आंदोलन
- धक्कादायक! औरंगाबादेत एकही व्हेंटिलेटर बेड शिल्लक नाही
- जवळचा की दूरचा? ‘तन्मय’ प्रकरणी राष्ट्रवादीने काढली देवेंद्र फडणवीसांची वंशवेल
- उस्मानाबादच्या सत्तर गावात कोरोनाची ‘दस्तक’
