मुंबई : लोकप्रिय बंगाली अभिनेत्री आणि तृणमूल काँग्रेसची (TMC) राज्य सचिव संयतिका बॅनर्जीचा (Sayantika Banerjee ) गंभीर अपघात झाला आहे. बांकुडाहून कोलकात्ताला येत असताना संयतिकाच्या कारला ट्रकने मागून धडक दिली आहे. या अपघातामध्ये (Accident) संयतिका जखमी झाल्या असून त्यांच्या कारचा चुराडा झाल्याची माहिती मिळाली आहे.
गुरुवारी संयतिका बांकुडाहून कोलकत्ताला (Kolkata) जाण्यास निघाली होती. त्यावेळी एका ट्रकने तिच्या कारला मागून धडक दिली. ट्रक चालकाचे नियंत्रण सुटल्यामुळे अपघात झाला आहे. अपघातामध्ये कारचा चुराडा झाला असून मोठे नुकसान झाले आहे. तसेच संयतिका देखील जखमी झाल्याने तिला रुग्णालयात दाखल करण्यात आले आहे.
https://www.instagram.com/p/CXIcR1ZvBTb/?
या प्रकरणी वर्धमान जिल्हा (Vardhaman district ) पोलिसांनी माहिती दिली आहे. अभिनेत्रीच्या कारला मागून धडक देणाऱ्या ट्रक चालकाला अटक करण्यात आली आहे. सध्या या प्रकरणाचा तपास सुरु असून हा केवळ अपघात आहे की कुणी कट रचला होता याबाबत तपास सुरु आहे, असे पोलिसांनी म्हटले आहे.
संयतिका ही एक अतिशय लोकप्रिय बंगाली अभिनेत्री आहे. तिने २०२१ मध्ये टीएमसीकडून बाकुडा विधानसभा मतदार संघातून निवडणूक लढवली होती. ती सोशल मीडियावर देखील प्रचंड सक्रिय असते. तिचा चाहता वर्ग देखील मोठा आहे. तिचा अपघात झाल्यानंतर चाहत्यांनी चिंता व्यक्त केली आहे.
महत्वाच्या बातम्या
- ‘भ्रष्टाचार, खंडणी, वसुली यापलिकडे मविआचे कुठलेच कर्तृत्व नाही’
- …’शाहजादे’ राज्य करत आहेत; कोहलीच्या कर्णधार पदावरून राऊतांची प्रतिक्रिया
- भारत लोकशाही मूल्ये मजबूत करण्यासाठी तयार- पंतप्रधान मोदी
- नितेश राणेंचं संजय राऊतांना ओपन चॅलेंज; हिम्मत असेल तर….
- दिलासादायक! पुण्यातील ओमायक्रॉनचे रुग्ण ठणठणीत; उपमुख्यमंत्र्यांची माहिती
