कामगाराच्या आत्महत्या प्रकारातून उद्योजकाला मारहाण

औरंंगाबाद : कंपनीतील कामगाराने खासगी वादातून हँड वॉश पिऊन आत्महत्येचा प्रयत्न केला. या घटनेची माहिती मिळताच मेव्हण्यासह कंपनीत दाखल झालेल्या टोळक्याने उद्योजकासह अधिका-याला कार्यालयात शिरुन बेदम मारहाण केल्याची घटना रविवारी (दि.८) सकाळी दहाच्या सुमारास रेल्वे स्टेशन एमआयडीसी परिसरात घडली. याप्रकरणी सातारा पोलिसांनी सचिन शिंगाडे, शुध्दोधन मोरे आणि किरण जाधव अटक केली आहे. तर मारहाण करणारा मुख्य सूत्रधार पसार झाला आहे.

रेल्वे स्टेशन एमआयडीसीत असलेल्या ऑटोमोटिव्ह प्रा. लिमीटेड कंपनीत सचिन उत्तमराव गायकवाड हा कामाला आहे. कंपनीत त्याचा वाद झाला होता. त्यातून त्याने आज सकाळी हँड वॉश पिऊन आत्महत्येचा प्रयत्न केला. या घटनेची माहिती कंपनीतील सुरक्षा रक्षक संदीप एकनाथ देवळाणकर यांनी अधिकारी भुषण विलास व्यहाळकर (वय ३४, रा. पहाडसिंगपुरा) यांना दिली.

तसेच गायकवाड यांना सातारा परिसरातील कमलनयन बजाज रुग्णालयात दाखल करण्यात आल्याचे सांगण्यात आले. त्यामुळे व्यहाळकर यांनी कंपनीत धाव घेतली. तेव्हा कंपनीत आलेल्या सचिन डुमणे त्याचे साथीदार सचिन मधुकर शिंगाडे, शुध्दोधन कचरु मोरे, किरण रमेश जाधव व त्याच्या आठ ते दहा साथीदारांनी कंपनीत शिरुन सुरक्षा रक्षक देवळाणकर यांना मारहाण केली. तसेच कंपनीचे मालक नित्यानंद भोगले व प्लान्ट हेड मिलींद सोनगिरकर यांना बेदम मारहाण केली.

महत्त्वाच्या बातम्या

• केंद्र सरकारने ‘तो’ प्रस्ताव मांडल्यानंतर सर्वांनी एकमुखाने त्याला पाठिंबा द्यावा; चंद्रकांत पाटलांचे आवाहन
• ‘भास्कर जाधव तुझी औकात २०२४ ला तुला दाखवून देऊ; आता जेवढं उडायचं तेवढं उडून घे’
• ‘महाराष्ट्र भूषण पुरस्कार म्हणजे घरच्यांकडून झालेले कौतुक’; पुरस्कार जाहीर झाल्यानंतर आशा भोसलेंच्या भावना
• निलेश, नितेश राणेंसारखी मुलं कोणाच्याच पोटी जन्माला येऊ नयेत; भास्कर जाधवांची जहरी टीका
• ‘सत्ताधारी असो वा विरोधक, संसदेत गोंधळ घालणाऱ्या खासदाराचे दोन वर्षांसाठी निलंबन करा’