🕒 1 min read
मुंबई: शिवसेना (Shiv Sena) बंडखोर नेते एकनाथ शिंदे (Eknath Shinde) यांनी विधान परिषदेचा निकाल लागल्यानंतर पक्षविरोधात बंड पुकारला. ४० आमदारांसोबत ते आतापर्यत गुजरातमधील सुरत येथील एका हॉटेलमध्ये होते. मात्र आता ते सूरत विमानतळावरून एका चार्टर विमानानं गुवाहाटीला रवाना झाले होते. मध्यरात्री अडीच वाजता शिवसेना आमदारांना घेऊन एक बस मेरिडियन हॉटेलवरून विमानतळावर दाखल झाली होती. त्यानंतर हे सर्व आमदार विमानानं आसामधील गुवाहाटीत दाखल झाले. या राजकीय घडामोडीवरून मनसे नेते संदीप देशपांडे (Sandeep Deshpande) यांनी शिवसेनेला डिवचले आहे.
असली गुहाटीत नकली "वर्षा" वर आणि सेक्युलर गॅस वर
— Sandeep Deshpande (@SandeepDadarMNS) June 22, 2022
“असली गुहाटीत नकली “वर्षा” वर आणि सेक्युलर गॅस वर”, असा खोचक टोला संदीप देशपांडे यांनी लगावला आहे. दरम्यान एकनाथ शिंदे यांनी ४० आमदारांसह वेगळा गट स्थापन केला आहे. महेंद्र थोरवे ,भरत गोगावले, महेंद्र दळवी, अनिल बाबर, महेश शिंदे ,शहाजी पाटील ,शंभूराज देसाई ,बालाजी कल्याणकर , ज्ञानराजे चौघुले , रमेश बोरणारे , तानाजी सावंत, संदिपान भुमरे, अब्दुल सत्तार, नितीन देशमुख ,प्रकाश सुर्वे,किशोर पाटील, सुहास कांदे, संजय शिरसाट, प्रदीप जयस्वाल ,संजय रायुलकर, संजय गायकवाड, एकनाथ शिंदे ,विश्वनाथ भोईर, राजकुमार पटेल, शांताराम मोरे, श्रीनिवास वनगा, प्रताप सरनाईक, प्रकाश अबिटकर, चिमणराव पाटील, नरेंद्र बोंडेकर, लता सोनावणे, यामिनी जाधव, बालाजी किनीकर अशी या आमदारांची नावे आहेत.
दरम्यान आज एकनाथ शिंदे मुंबईला येणार असल्याची माहिती मिळत आहे. त्यामुळे आज भाजपसोबत सत्तास्थापनेचा दावा एकनाथ शिंदे करतील का, अशा चर्चा होत आहेत. ठाकरे सरकारला जबर धक्का दिल्याचे आता राजकारणात म्हटले जात आहे.
महत्वाच्या बातम्या:
- Eknath Shinde : 40 आमदारांसह नवा गट स्थापला! एकनाथ शिंदेंचा ठाकरे सरकारला जबर झटका
- Sanjay Raut : “आमदार नितीन देशमुख सुरत भाजपच्या तावडीत…”, संजय राऊतांचा ट्वीट करत आरोप
- Eknath Shinde : 40 आमदार सोबत घेऊन एकनाथ शिंदे गुवाहाटीत दाखल
- Eknath Shinde & Bacchu Kadu Update – एकनाथ शिंदे आणि बंडखोर आमदारांचा पहिला फोटो समोर
- Anil Parab : शिवसेनेला दुसरा दणका? अनिल परब ९ तासांपासून ईडी ऑफिसमध्ये; अटकेची टांगती तलवार
बातम्यांसाठी YouTube चॅनेल Subscribe करा
Subscribe Now
