“वय फक्त आकडाच, कार्तिक अजूनही भारतासाठी वर्ल्डकप खेळू शकतो”, आकाश चोप्राचं मत!

🕒 1 min read

मुंबई : आयपीएल २०२२मध्ये दिनेश कार्तिकने दबावाखाली जबरदस्त फलंदाजी केली आहे. त्याने रॉयल चॅलेंजर्स बंगळुरूसाठी (RCB) फिनिशरची भूमिका बजावली आहे. कार्तिकने आतापर्यंत २०४.५५च्या ९० धावा केल्या आहेत आणि तो अद्याप स्पर्धेत आऊट होऊ शकलेला नाही. कार्तिक वयाच्या ३६व्या वर्षीही आगामी टी-२० विश्वचषकासाठी भारतीय संघात पुनरागमन करू शकतो, असा विश्वास समालोचलक आकाश चोप्राने व्यक्त केला आहे.

आकाश चोप्रा म्हणाला, ”तो खरोखर चांगले काम करत आहे आणि वय हा फक्त एक आकडा आहे. मग तुम्ही कशाला काळजी करता? कोणी चांगले खेळत असेल तर वयाने फरक कसा पडतो? एक मोठी गोष्ट म्हणजे तो ज्या क्रमांकावर फलंदाजी करत आहे, त्याच क्रमांकावरील फंलदाजाची टीम इंडियाला गरज आहे. पण त्याचे प्रतिस्पर्धी कोण आहेत हेही पाहावे लागेल. दीपक हुडा हा देखील स्पर्धक आहे, कारण तो थोडा ऑफ-स्पिन गोलंदाजी करतो.”

रॉयल चॅलेंजर्स बंगळुरूने आतापर्यंत तीनपैकी दोन सामने जिंकले आहेत. या सर्व सामन्यांमध्ये दिनेश कार्तिकची कामगिरी उत्कृष्ट राहिली आहे. त्याने राजस्थान रॉयल्सविरुद्ध 44 धावांची धडाकेबाज खेळी केली आणि संघाच्या संस्मरणीय विजयात योगदान दिले. कार्तिकने टीम इंडियासाठी शेवटचा आंतरराष्ट्रीय सामना न्यूझीलंड विरुद्ध २०१९ वर्ल्डकपमध्ये खेळला होता. त्यानंतर तो टीम इंडियात पुनरागमन करू शकला नाही.

महत्त्वाच्या बातम्या –

• IPL 2022 LSG vs DC : पंत विरुद्ध राहुल; लखनऊ साधणार का विजयी हॅट्ट्रिक?
• “२२ एप्रिलपर्यंत कामगार आले नाहीत तर…”; अनिल परबांचा इशारा
• “ओबीसी आरक्षणाबाबत राज्य सरकारची भूमिका संशयास्पद” – गोपीचंद पडळकर
• IPL 2022 : “माझ्यासाठी धोनीला माहीभाई म्हणणं अवघड होतं”, चेन्नई सुपर किंग्जच्या खेळाडूचा खुलासा!
• परवानगी मिळाली नाही तर रस्त्यावरच टेबल टाकून राज ठाकरे यांची सभा घेणार – बाळा नांदगावकर
• IPL 2022 : महेंद्रसिंह धोनीच्या ‘या’ जाहिरातीवर बंदी..! काय आहे कारण? जाणून घ्या

IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com