ठाणे : दहीहंडी हा महाराष्ट्रात मोठ्या उत्साहात साजरा होणार सण आहे. आजच्या दिवशी ठिकठिकाणी भव्य दहीहंड्या बांधल्या जातात. जवळपास सर्वच नेते मंडळींकडून या दहिहंड्यांचं आयोजन केलं जात. दिग्गज नेते आणि अनेक कलाकारही या कार्यक्रमाला उपस्थित राहतात. विशेषतः मुंबई आणि ठाण्यातील दहीहंडया आणि त्याच आयोजन करणारी अनेक मंडळं खूपच प्रसिद्ध आहेत. अशीच दहीहंडी भाजपच्या वतीने वरळी येथील जांबोरी मैदानावर आयोजित करण्यात आली आहे. या दहीहंडी कार्यक्रमात भाजपच्या अनेक बड्या नेत्यांनी हजेरी लावली. यावेळी उपमुख्यमंत्री देवेंद्र फडणवीस, मुंबई भाजपचे अध्यक्ष आशिष शेलार आणि भाजप नेते प्रवीण दरेकर उपस्थित होते.
यावेळी देवेंद्र फडणवीस यांनी उपस्थित गोविंदा पथकांना उद्देशून त्यांचे मनोगत व्यक्त केले. फडणवीस म्हणाले कि, “कालच मुख्यमंत्री एकनाथ शिंदे यांनी जाहीर केलं आहे कि आता दहीहंडीचा समावेश साहसी खेळांमध्ये करण्यात आला आहे. तुम्हाला सर्व प्रकारच्या सोयी सुविधा आणि लाभ मिळणार आहेत. तुमची सर्व काळजी सरकार घेणार आहे. हे तुमचं सरकार आहे. तरुणाईचं सरकार आहे. म्हणूनच मी आजचा दिवस तुम्हाला समर्पित करतो. दहीहंडीच्या खूप शुभेच्छा, जय गोविंदा!” तर यावेळी आशिष शेलार यांनीही त्यांचे मनोगट व्यक्त केले.
मुंबई भाजपा आयोजित वरळी येथील जांबोरी मैदानातील भव्य दहीहंडी https://t.co/qb2sHnkImR
— भाजपा महाराष्ट्र (@BJP4Maharashtra) August 19, 2022
शिंदे आणि ठाकरे गटात पोस्टर वॉर
ठाण्यातील टेंबी नाका परिसरात शिंदे गटाची दहीहंडी पार पडणार आहे. तर जांभळी नाका परिसरात उद्धव ठाकरे गटाचे खासदार राजन विचारे यांनी आयोजन केलेली दहीहंडी पार पडणार आहे. ठाकरे गटाच्या पोस्टर्सवर बाळासाहेब ठाकरे, आनंद दिघे, उद्धव ठाकरे आणि आदित्य ठाकरे यांचे फोटो लावण्यात आले आहेत. तर यात शिंदे गटाच्या पोस्टर्सवर बाळासाहेब ठाकरे यांच्यासह एकनाथ शिंदे, आनंद दिघे, नरेंद्र मोदी, देवेंद्र फडणवीस आणि अमित शहा यांचे देखील फोटो पाहायला मिळत आहेत. तर याच पोस्टर्सवर ‘शिवसेनेची काँग्रेस होऊ देणार नाही’ हे बाळासाहेब ठाकरेंचं विधान लिहून ठाकरे गटाला डिवचण्याचा प्रयत्न करण्यात आला आहे. तर ठाण्यातील ठाकरे गटाच्या दहीहंडीच्या कार्यक्रमाला शिवसेना नेते आदित्य ठाकरे हे उपस्थित राहणार आहेत. त्यामुळे या परिसरातील बॅनर्सवर ‘निष्ठेचा थर’ अशी टॅगलाईन छापण्यात आली आहे. त्यामुळे या दोन्ही गटांमध्ये एकप्रकारे पोस्टर वॉर सुरु असल्याचं चित्र मुंबई आणि ठाण्यात पाहायला मिळत आहे.
महत्वाच्या बातम्या:
- Tejas Thackeray | बुडत्या शिवसेनेला तेजस ठाकरे वाचवणार? लवकरच होऊ शकते राजकारणात एंट्री
- Nitish Kumar | “बाॅयफ्रेंड बदलणाऱ्या महिलेसारखंच नितीश कुमार देखील सतत…” भाजप नेत्याचं अजब विधान
- BJP | भाजप नेत्याने केला छत्रपती शिवरायांचा अपमान; प्रतिमेला हार घालण्यास टाळाटाळ
- Arvind Kejriwal। आता भारत थांबणार नाही…; सिसोदियांवरील कारवाईनंतर केजरीवाल आक्रमक
- PM Narendra Modi | नरेंद्र मोदींनी देशवासीयांना दिल्या जन्माष्टमीच्या शुभेच्छा, म्हणाले…
बातम्यांसाठी YouTube चॅनेल Subscribe करा
Subscribe Now
