जालना : राष्ट्रवादी काँग्रेसचे अध्यक्ष शरद पवार यांची आपण केवळ सदिच्छा भेट घेतली. त्याचा कुठलाही राजकीय अन्वयार्थ काढू नये. शरद पवार यांच्यावर मध्यल्या काळात शस्त्रक्रिया झाल्या. म्हणून ही केवळ त्यांची सदिच्छा भेट होती, असे विरोधी पक्षनेते देवेंद्र फडणवीस यांनी स्पष्ट केले.
सोमवारी ( ३१ मे ) दुपारी देवेंद्र फडणवीस यांनी मुंबई येथे शरद पवार यांची घरी जाऊन भेट घेतली. त्यानंतर ही भेट नेमकी कशासाठी असे म्हणत राज्याच्या राजकीय वर्तुळात जोरदार चर्चा सुरु झाली. त्यावर देवेंद्र फडणवीस यांनी ही केवळ सदिच्छा भेटच होती, असे स्पष्ट केले आहे. देवेंद्र फडणवीस हे सोमवारी सायंकाळी जालना दौऱ्यावर आले असता, शरद पवार यांच्यासोबत आपली काय चर्चा झाली, असे प्रश्न पत्रकारांनी उपस्थित केले होते. त्यावर त्यांनी प्रतिक्रिया दिली आहे.
दरम्यान, राज्य सरकारने मराठा समाजाला ईडब्यूएस आरक्षणाचा लाभ घेता यावा, यासाठीचे आदेश काढले, त्यावर प्रतिक्रिया देताना देवेंद्र फडणवीस म्हणाले, ज्या समाजाला इतर कुठल्याही प्रवर्गाचे आरक्षण नाही, त्यांना अशा प्रत्येक प्रवर्गाला आरक्षण लागू आहे. त्यामुळे यात नविन काहीही नाही. मराठा समाजाचे एसईबीसी आरक्षण रद्द झाल्यामुळे ऑटोमैटिकली ईडब्यूएस अंतर्गत १० टक्के आरक्षणासाठी ते पात्र आहेत.
महत्वाच्या बातम्या
- आंध्रप्रदेश सरकारचा मोठा निर्णय ; बहुचर्चित आनंदैयाच्या आयुर्वेदिक औषधांना दिली मंजुरी
- दुखणे अंगावर काढू नका, वेळीच उपचार घ्या – डॉ.मंगेश गोंदावले
- ‘औरंगाबादकरांची स्वयंशिस्तच ‘मास्क मुक्त’ आयुष्याचा रस्ता बनवेल’, मनपा आयुक्तांचा ‘महाराष्ट्र देशा’ला विश्वास
- ग्रामस्थांना आरोग्याच्या काळजीबाबत माहिती द्या – डॉ. शहेनाज अन्सारी
- ‘संभाजीराजेंवर पाळत ठेवत असाल तर….’; पंकजा मुंडे कडाडल्या
