नवी मुंबई : भाजपा प्रदेश कार्यकारिणीच्या बैठकीत उपमुख्यमंत्री देवेंद्र फडणवीस यांनी भाषण करताना महाविकास आघाडी सरकारवर टीकास्त्र सोडले आहेत. यावेळी बोलता त्यांनी विविध मुद्द्यांवरून महाविकास आघाडीला लक्ष्य केलं. शिवसेनेशी बंडखोरी केल्यानंतर एकनाथ शिंदे आणि शिंदे गटातील इतर नेत्यांनी नेहमीच हिंदुत्वाचा मुद्दा पुढे केला होता. “आम्ही हिंदुत्वाच्या मुद्द्यावर एकत्र आलो आहोत”, असे आशयाची वक्तव्य अनेक नेत्यांनी केली होती. हाच मुद्दा फडणवीस यांनी आजच्या त्यांच्या भाषणात उचलून धरला होता. तसेच त्यांनी यावेळी मुख्यमंत्री एकनाथ शिंदेंचे कौतुक देखील केले आहे.
याच संदर्भात त्यांनी ट्विट देखील केले आहेत. ट्विटमध्ये फडणवीस म्हणतात कि, “रोज तोंड दाबून बुक्क्यांचा मार सहन करावा लागायचा. वीर सावरकरांचा अपमान, दाऊदशी संबंधित लोकांचा बचाव अशा वातावरणात एक मर्द मराठा तयार झाला आणि हिंदूहृदयसम्राट शिवसेनाप्रमुख बाळासाहेब ठाकरे यांच्या विचारांसाठी एकनाथ शिंदे यांनी हिंमत केली. मी त्यांचे अभिनंदन करतो.”
देवेंद्र फडणवीस यांनी दुसऱ्या ट्विटमध्ये लिहले आहे कि, “राज्यात आज खऱ्या अर्थाने हिंदुत्ववादी सरकार आले आहे. आमचे हिंदुत्व संकुचित नाही तर व्यापक आहे. जात, पूजा पद्धती यांच्या पलिकडे आमचे हिंदुत्व आहे. सर्वांना समान न्याय देताना लांगूलचालन मात्र आम्हाला मान्य नाही”. तसेच पुढे ते असेही म्हणाले कि, ” होय, आम्हीच हिंदूत्त्वाच्या रक्षणासाठी लढणार, मराठीच्या रक्षणासाठी हे सरकार आलेय. प्रत्येक मराठी माणसाच्या रक्षणासाठी हे सरकार आलेय. महाराष्ट्राच्या रक्षणासाठी हे सरकार आलेय”.
महत्वाच्या बातम्या:
- IND vs WI : निकोलस पुरनचा ‘रॉकेट थ्रो’ अन् शुबमन गिल झाला आऊट, पाहा ‘हा’ VIDEO!
- Dilip Walse Patil | “एकनाथ शिंदे यांना धमकी आल्यानंतर…” ; माजी गृहमंत्र्यांचे स्पष्टीकरण
- T20 World Cup : अफगाणिस्तान क्रिकेट संघाला मिळाला नवा कोच, इंग्लंडच्या ‘या’ माजी खेळाडूची नियुक्ती
- Chandrakant patil | “मनावर दगड ठेवून एकनाथ शिंदेंना मुख्यमंत्री केलं”; चंद्रकांत पाटलांची कबुली
- Sharad Pawar on Eknath Shinde | एकनाथ शिंदे यांना झेड सिक्युरिटी दिली होती – शरद पवार
