भारतीय चित्रपटसृष्टीचा दीपस्तंभ ढासळला – अजित पवार

🕒 1 min read

मुंबई : बॉलीवुडचे पहिले सुपरस्टार आणि जेष्ठ अभिनेते दिलीप कुमार यांचे निधन झाले आहे. आज ७ जुलै रोजी सकाळी ७.३० मिनिटांनी त्यांनी अखेरचा श्वास घेतला. दिलीप कुमार यांचे वय ९८ होते. गेल्या काही दिवसापासुन दिलीप कुमार यांना श्वास घ्यायला त्रास होत होता. यामुळे उपचारासाठी त्यांना २९ जुन रोजी मुंबई येथील हिंदूजा रुग्णालयात दाखल करण्यात आले होते. यादरम्यान त्यांची प्रकृती खालावत गेली आणि आज ७ जुलै रोजी त्यांची प्राणज्योत मालवली.

दिलीप कुमार यांच्या निधनानंतर देशभरातून शोक व्यक्त केला जात आहे. अनेक दिग्गज नेते-अभिनेत्यांनी त्यांना श्रद्धांजली अर्पण केली आहे. राज्याचे उपमुख्यमंत्री अजित पवार यांनी देखील दिलीप कुमार यांना आदरांजली वाहिली आहे.

ज्येष्ठ अभिनेते दिलीपकुमार यांच्या निधनाची बातमी अत्यंत दुःखद असून त्यांच्या निधनाने भारतीय चित्रपटसृष्टीचा दीपस्तंभ ढासळला आहे. अनेक पिढ्यांच्या, कोट्यवधी चित्रपटरसिकांच्या मनावर अधिराज्य करणारा ‘ट्रॅजेडीकिंग’ काळाच्या पडद्याआड गेला आहे. प्रत्येक अभिनेत्याचं ‘दिलीपकुमार’ बनण्याचं स्वप्न असायचं, ते स्वप्न दाखवणारा जादूगार आज स्वतःच अदृश्य झाला आहे. आभाळाएवढ्या उंचीच्या शतकातील या महान कलावंताला भावपूर्ण श्रद्धांजली. अशा शब्दात उपमुख्यमंत्री अजित पवार यांनी ज्येष्ठ अभिनेते, पद्मविभूषण दिलीपकुमार यांचं स्मरण करून त्यांना भावपूर्ण आदरांजली वाहिली.

महत्वाच्या बातम्या 

• अधिवेशन संपले तरीही अडचणी सुरूच; मुख्यमंत्र्यांच्या समोर आता नवे आव्हान काय असणार 
• ‘सिनेमाचा इतिहास लिहिला जाईल तेव्हा…’; बिग बींची भावूक पोस्ट
• अभिनेता सुयश टिळकने ‘या’ अभिनेत्रीसोबत केला साखरपुडा
• विधिमंडळाच्या पावसाळी अधिवेशनात भाजपने नेमकं काय कमावलं आणि काय गमावलं ?
• ‘हे एक सांस्कृतिक नुकसान आहे’; दिलीप कुमारांच्या निधनानंतर मोदींनी व्यक्त केले दु:ख