मुंबई : बॉलीवुडचे पहिले सुपरस्टार आणि जेष्ठ अभिनेते दिलीप कुमार यांचे निधन झाले आहे. आज ७ जुलै रोजी सकाळी ७.३० मिनिटांनी त्यांनी अखेरचा श्वास घेतला. दिलीप कुमार यांचे वय ९८ होते. गेल्या काही दिवसापासुन दिलीप कुमार यांना श्वास घ्यायला त्रास होत होता. यामुळे उपचारासाठी त्यांना २९ जुन रोजी मुंबई येथील हिंदूजा रुग्णालयात दाखल करण्यात आले होते. यादरम्यान त्यांची प्रकृती खालावत गेली आणि आज ७ जुलै रोजी त्यांची प्राणज्योत मालवली.
T 3958 – An institution has gone .. whenever the history of Indian Cinema will be written , it shall always be 'before Dilip Kumar, and after Dilip Kumar' ..
My duas for peace of his soul and the strength to the family to bear this loss .. ????????????
Deeply saddened .. ????— Amitabh Bachchan (@SrBachchan) July 7, 2021
दिलीप कुमार यांच्या निधनानंतर बॉलिवूडमध्ये देखील शोक व्यक्त केला जात आहे. अनेक दिग्गज कलाकारांनी सोशल मिडियाद्वारे त्यांना श्रद्धांजली अर्पण केली आहे. यावेळी बॉलिवूड अभिनेते अमिताभ बच्चन यांनी ट्वीट करत लिहिले की, ‘जेव्हा भारतीय सिनेमाचा इतिहास लिहिला जाईल, तेव्हा तो ‘दिलीप कुमार यांच्या आधी आणि दिलीपकुमार यांच्यानंतर’ असा लिहिला जाईल. त्यांच्या आत्म्यास शांती लाभो’, या आशयाचे ट्वीट करत अमिताभ बच्चन यांनी श्रद्धांजली वाहिली आहे.
१९४४ साली ज्वार भाटा या चित्रपटाद्वारे बॉलीवूड कारकिर्दीची सुरवात करणारे दिलीप कुमार हे बॉलीवूडचे पहिले सुपरस्टार म्हणून ओळखले जातात. देवदास, मुगल-ए-आझम, राम और श्याम, गंगा जमुना यासारखे अनेक सुपरहीट चित्रपटात त्यांनी अभिनय केला आहे. कारकीर्दीच्या दुसऱ्या टप्प्यात दिलीप कुमार यांनी क्रांती, सौदागर, कर्मा यासारख्या चित्रपटात भूमिका केल्या. १९९८ साली आलेला किला हा त्यांचा अखेरचा चित्रपट ठरला.
महत्त्वाच्या बातम्या
- ‘जे तीस वर्षात झालं नाही ते आता काय होणार ?’; भाजपच्या युतीबाबत उद्धव ठाकरेंच भाष्य
- राष्ट्रवादीच्या नेत्याचे शिवसेनेच्या मंत्र्यांवर गंभीर आरोप, लाचलुचपत विभागाकडे केली तक्रार
- कृपाशंकर सिंह यांचा भाजप प्रवेश शिवसेना-कॉंग्रेससाठी धोक्याची घंटा
- पालखीस परवानगी नाकारली, महाराजांचा वारकर्यांसहित आत्मदहनाचा इशारा!
- ‘स्टंट’बाजी करून पाप झाकण्याचा प्रयत्न, अशोक चव्हाण यांचे भाजपवर टीकास्त्र
