औरंगाबाद : बनोटी प्राथमिक आरोग्य केंद्रात गेल्या चार-पाच दिवसांपासुन कोव्हिड लस उपलब्ध नसल्याने अनेक वयोवृद्धांना केंद्रावरुन माघारी जावे लागत आहे. तरी प्रशासनाने या केंद्रात कोव्हिड लस उपलब्ध करून द्यावी, अशी मागणी जि.प.च्या माजी सदस्या रंजनाताई सोळंके यांनी केली आहे.
बनोटी सर्कलमध्ये कोरोना काही अंशी आटोक्यात असून यासाठी प्रत्येक गावाचे पोलीस पाटील, सरपंच, सदस्य तसेच पोलीस कर्मचारी व आरोग्य विभागाचे कर्मचारी वेळोवेळी ग्रामस्थांनी सुचना देत आहे. बनोटी सर्कल हा औरंगाबाद-जळगाव जिल्ह्याच्या सिमेवर असून जळगाव जिल्ह्यातील पाचोरा तालुक्यातील जास्त प्रमाणात कोरोनाचे रुग्ण आहे.
सध्या प्रशासनाने लस देणे सुरू केले आहे. लस घेतलेल्यांमध्ये कोरोनाची बाधीत संख्या अत्यंत कमी असून यासाठी लसीकरण होणे गरजेचे आहे. परंतु सोयगाव तालुक्यातील बनोटी हा डोंगराळ व दुर्गम भाग असून या परिसरात फक्त दोन टक्के लसीकरण झाले आहे. अनेकवेळा मागणी करुन देखील लस उपलब्ध होत नसून सुरवातीला लस घेण्यासाठी ग्रामस्थ नकार देत होते, परंतु वेळोवेळी केलेल्या जनजागृतीमुळे आता लस घेण्यास नागरिक तयार असून लस उपलब्ध नसल्याने आरोग्य केंद्रात नागरिक चकरा मारत आहेत. त्यामुळे तात्काळ लस उपलब्ध करून देण्याची मागणी जि.प.माजी सदस्या रंजना सोळंके यांनी केली आहे.
महत्वाच्या बातम्या
- चक्क पोलीस अधिक्षकांच्या नावाने बनावट फेसबुक खाते, मेसेजमधून मागितले पैसे!
- गैरप्रकार रोखण्यासाठी कोरोना रिपोर्टवर यापुढे ‘क्यूआर कोड’
- पालकमंत्री राजेंद्र शिंगणेंकडून रविंद्र तुपकरांची मागणी मान्य!
- ‘अगोदर लसीकरणाला अल्प प्रतिसाद, म्हणून मोदींनी विदेशात लस पाठवली’, खा.विखेंचा दावा
- याचिका दाखल झाल्यावर खा.सुजय विखे म्हणाले, ‘रेमडेसिवीरचा बाऊ करू नका’
बातम्यांसाठी YouTube चॅनेल Subscribe करा
Subscribe Now
