दुबई- इंडियन प्रीमियर लीगच्या तेराव्या हंगामातील १९वा सामना आज (५ ऑक्टोबर) दुबई येथे रॉयल चॅलेंजर्स बेंगलोर विरुद्ध दिल्ली कॅपिटल्स संघात होणार आहे. दोन्ही संघाचा हा या हंगामातील ५वा सामना आहे. या सामन्याला भारतीय प्रमाणवेळेनुसार रात्री ७.३० वाजता सुरुवात होईल.
मागील २ सामन्यात विजय मिळवलेला बेंगलोर संघ आजच्या सामना जिंकत विजयाची हॅट्रिक पूर्ण करण्याचा प्रयत्न करताना दिसेल. तर दिल्ली संघदेखील हंगामातील चौथा सामना जिंकण्यासाठी प्रयत्न करताना दिसेल.
लोकमतने दिलेल्या वृत्तानुसार, आयपीएलच्या इतिहासात सर्वाधिक बळी मिळवणाऱ्या गोलंदाजांमध्ये दिल्लीचा अमित मिश्रा दुसऱ्या स्थानी असून स्पर्धेच्या इतिहासात तो सर्वात यशस्वी फिरकीपटूही आहे. हाताच्या बोटाला झालेल्या दुखापतीमुळे तो आरसीबीविरुद्ध खेळू शकणार नसल्याची माहिती सूत्रांकडून मिळाली.
शारजाह मैदानावर झालेल्या कोलकाता नाईट रायडर्सविरुद्ध खेळताना अमितच्या बोटाला दुखापत झाली होती.आता मिश्राच्या जागी दिल्ली संघात अक्षर पटेलला संधी मिळण्याचे जवळपास निश्चित आहे.
महत्वाच्या बातम्या :-
- मराठा युवक प्रचंड अस्वस्थ ; राज्यसेवेच्या परीक्षा पुढे ढकला-पूजा मोरे
- LGBT Cell ची स्थापना करत राष्ट्रवादीने घालून दिला इतर राजकीय पक्षांना आदर्श
- कॉंग्रेसच्या ‘या’ दिग्गज नेत्याच्या १४ मालमत्तांवर सीबीआयची छापेमारी
- ‘दानवे किती रस्त्यावर असतात हे सर्वांना माहित आहे’ ; बाळासाहेब थोरातांचं प्रत्युत्तर
- ‘आम्ही आमच्या रक्ताचे दान देतोय, आतातरी आम्हाला आरक्षण द्या’
