नांदेड : शहरासह परभणी, हिंगोली तसेच लातूर जिल्हाभरात कोरोनाचा वाढता कहर लक्षात घेता स्वामी रामानंद तीर्थ मराठवाडा विद्यापीठ नांदेड पदवी व पदव्युत्तर (व्यावसायिक व अव्यावसायिक) अभ्यासक्रमाच्या परीक्षा पुढे ढकलल्या आहेत.
या विद्यापीठाच्या परीक्षा व मूल्यमापन मंडळाची बुधवारी तातडीची बैठक घेण्यात आली. या बैठकीमध्ये पदवी व पदव्यत्तर परीक्षा तसेच तारीखांबाबत चर्चा करण्यात आली. कोरोनाच्या वाढत्या प्रादूर्भावाच्या पार्श्वभूमीवर ज्या पदवी अथवा पदव्युत्तर वर्गाच्या विद्यापीठ अथवा क्लष्टर परिक्षा (व्यावसायिक व अव्यावसायिक अभ्यासक्रम) या 12 एप्रिलपासून सुरू झाल्या आहेत. तसेच 15 एप्रिल व त्यापुढील तारखेपासून सुरू होणार होत्या. त्या परीक्षा पूर्णपणे पुढे ढकलण्यात आल्याचा ठोस निर्णय घेण्यात आला. सुधारित वेळापत्रक व परीक्षांच्या तारखा लवकरच विद्यापीठांच्या संकेतस्थळावर प्रसिध्द करण्यात येणार असल्याचे परीक्षा व मूल्यमापन मंडळाच्या प्रभारी संचालकांनी संबंधित महाविद्यालयाच्या प्राचार्यांना पाठवलेल्या पत्राव्दारे कळवण्यात आले आहेत. परिक्षेच्या दिनांकाबाबत पुढील माहिती लवकर कळवणार असल्याचे सांगण्यात आले आहे.
14 एप्रिलच्या रात्री ८ पासून कडक निर्बंध तसेच संचारबंदी लागू करण्यात आली आहे. त्यामुळे विद्यापीठाअंतर्गत विविध अभ्यासक्रमाच्या 2020च्या परीक्षा सहा एप्रिलपासून सुरू झाल्या आहेत. त्या परीक्षा झाल्या आहेत. केवळ काही अभ्यासक्रमाचे एक ते दोन विषयांचे पेपर होणे बाकी राहिलेले आहे. केवळ त्याच उर्वरित शिल्लक राहिलेल्या विषय पेपरच्या परीक्षा होतील, असे संचालकांनी या पत्रकातून सांगितले आहे.
महत्त्वाच्या बातम्या
- कर्नाळा बँक घोटाळ्याचा तपास अंमलबजावणी संचलनालयाकडे जाणार…
- माजी गृहमंत्री अनिल देशमुख अखेर सीबीआय समोर हजर, चौकशी सुरु
- कोरोनाच्या दुसऱ्या लाटेत मुडिजच्या अंदाजामुळे भारतीय अर्थव्यवस्थेला दिलासा
- कोरोनाचा कहर : उपराष्ट्रपती आणि पंतप्रधान आज विविध राज्यांच्या राज्यपालांशी संवाद साधणार
- ‘माझी मैना गावावर राहिली’, अण्णाभाऊंच्या गीताचे विडंबन; अजय-अतुल विरोधात परभणीत तक्रार
