Deepak Kesarkar । मुंबई : शिवसेना खासदार संजय राऊत यांना अंमलबजावणी संचालनालयाने (ईडी) अटक केली आहे. मध्यरात्री रात्री 12 वाजता ईडीने ही कारवाई केली. अटक करण्यापूर्वी संजय राऊत यांची 16 तास चौकशी करण्यात आली होती. त्यांना आज मुंबईतील पीएमएलए कोर्टात हजर करण्यात आलं आहे. त्यांना ४ दिवसांची ईडी कोठडी सुनावण्यात आली आहे. दरम्यान, आज शिवसेना प्रमुख उद्धव ठाकरे यांनी राऊतांच्या कुटुंबीयांची भेट घेतली. यावरून आता शिंदे गटातील आमदार दीपक केसरकर यांनी उद्धव ठाकरेंवर निशाणा साधला आहे.
केसरकर म्हणाले की, केवळ राजकीय व्यक्तीवर कारवाई झाली असे नाही. जे निर्दोष असतील त्यांनी पुरावे सादर करावे. यापूर्वी भावना गवळी, यामिनी यादव आदींनी पुरावे सादर केल्यामुळे त्यांच्यावरील कारवाई रोखण्यात आली. राऊतांच्या घरी जाणारे उद्धव ठाकरे हे यामिनी जाधव, भावना गवळी यांच्यावरील कारवाईनंतर भेटायला गेले नाहीत. यामिनी जाधव व भावना गवळी यांनी स्वतःलाच ईडीच्या कारवाईला सामोरे जावे लागले, असा टोला त्यांनी लगावला. आता केसकरांच्या या टीकेवर शिवसेनेतून काय प्रतिक्रिया येतेय ते पाहणं महत्वाचं ठरणार आहे.
दरम्यान, याआधी आता थोड्या वेळापूर्वी उद्धव ठाकरे यांनी संजय राऊत यांच्या परिवाराची भेट घेतली आहे. उद्धव ठाकरे हे संजय राऊत यांच्या भांडुप मधील निवासस्थानी आले होते. यावेळी त्यांनी संजय राऊत यांच्या आई आणूनि पत्नीची भेट घेतली. यावेळी त्यांनी राऊतांच्या कुटुंबियांना धीर दिला त्यांची विचारपूस केली. मात्र यावेळी त्यांनी माध्यमांना कोणतीही प्रतिक्रिया दिली नव्हती. मात्र राऊत कुटुंबियांच्या भेटीनंतर ठाकरेंनी पत्रकार परिषद घेत यावर प्रतिक्रिया दिली आहे.
महत्वाच्या बातम्या :
- Udhav Thackeray। संजयचा मला अभिमान, राऊतांच्या ईडी अटकेवर उद्धव ठाकरेंची पहिली प्रतिक्रिया
- Uddhav Thackeray | “आमची वेळ येईल तेव्हा…” राऊतांच्या अटकेवर उद्धव ठाकरेंचा हल्लाबोल
- Uddhav Thackeray । भाजपचा वंश तरी नेमका कोणता? नड्डांच्या वक्तव्यावर उद्धव ठाकरेंचा पलटवार
- Sanjay Raut | मोठी बातमी! संजय राऊत यांना ४ दिवसाची ईडी कोठडी
- Aaditya Thackeray | दोन लोकांच्या जम्बो मंत्रिमंडळात मुख्यमंत्री कोण आणि उपमुख्यमंत्री कोण तेच समजत नाहीये – आदित्य ठाकरे
